Türk metbugatynyň gysgaça mazmuny

Watan gazedi: "Erdogan mälim etdi, 29-njy maýda başlaýar" söz başyly habarynda, Prezident Rejep Taýýip Erdoganyň düýn Demokratiýa we Azatlyklar adasynyň açylyş dabarasynda Fatih buraw gämisiniň 29-njy maýda Bosfor bogazyny geçip, täze burawlar üçin Gara deňize tarap ýola çykjakdygyny aýdandygyny okyjy köpçüliginiň dykgatyna ýetirýär. 

Haber Türk gazedi: "Ministr Warank: Bir müňden gowrak dem alyş enjam eksport etdik" söz başyly habarynda, Senagat we tehnologiýa ministri Mustafa Warankyň, wideo konferensiýa arkaly geçirilen Kaýseri Senagat palatasynyň Geňeşmeler we netijelendirme maslahatyna gatnaşandygyny mälim edýär. Mustafa Warank ol ýerde eden çykyşynda, ýurtlaryň ýetip bilmedik ýerli dem alyş enjamyndan häziki wagta çenli 1 müňden gowragynyň eksport edilendigini habar berdi. 

Sabah gazedi: "Stambul howa menzilinden ýene-de bir üstünlik" söz başyly habarynda, Stambul howa menziliniň “LEED Altyn” sertifikatyny alandygyny habar berýär. Amerikan Ýaşyl Bina geňeşi, Stambul howa menziliniň terminalyny, dünýäniň iň uly LEED sertifikatly binasy hökmünde ykrar edildi. 

Star gazedi: "Gresiýanyň ýahta agentlikleri, Türkiýe bilen deňiz ýolunyň açylmagyny isleýär" söz başyly habarynda, Türkiýäniň kenarlaryna ýakyn Gresiýanyň adalarynda iş alyp barýan ýahta agentlikleriniň eýeleriniň, koronawirus epidemiýasynyň çäginde Türkiýe bilen ýapylan deňiz ýollarynyň ýaňadandan açylmagyny isleýändiklerini aýan edýär. 

Ýeni şafak gazedi: "Syýahatçylar Türkiýeden ýüz öwürip bilmeýär: Rezerwasiýalaryny goý bolsun etmegiň ýerine yza süýşürýärler" söz başyly habarynda, syýahatçylyk pudagynyň wekilleriniň epidemiýa etabynda irki rezerwasiýalaryň aglaba böleginiň goý bolsun edilmän yza süýşürilmeginiň syýahatçylaryň Türkiýeden ýüz öwürip bilmeýänlikleriniň görkezijisidigini aýdandyklaryny beýan edýär.