Türk metbugatynyň gysgaça mazmuny
Gün tertibiniň ileri tutulýan ugurlary hakyndaky habarlar gündelik gazetlerde uly seslenme döredýär
“Hürriýet” gazeti, “Prezident R. T. Erdogan, ABŞ-nyň Prezidenti Donald Tramp bilen telefon arkaly söhbetdeşlik geçirdi” söz başyly habarynda, Prezident R. T. Erdoganyň ABŞ-nyň Prezidenti Donald Tramp bilen telefon arkaly söhbetdeşlik geçirendigini ýazýar.
Iki lider telefon söhbetdeşliginde koronawirusa garşy göreş bilen birlikde özara we sebitara meseleler hakynda pikir alyşdy we koronawirusa garşy göreşde ykdysady taýdan ýakyndan hyzmatdaşlyk edilmegi meselesinde ylalaşyk gazandy.
“Watan” gazeti, “Milli Goranmak ministrligi koronawirusa garşy dermanyň üstünde işleýär” söz başyly habarynda, Milli Goranmak ministrliginiň koronawirus epidemiýasyna garşy göreşiň çäginde dermanyň taýarlanmagy üçin ýörite taslamanyň üstünde işleýändigini habar berýär.
“Ýeni Şafak” gazeti, “İspaniýa türklere minnetdar” söz başyly habarynda, Türkiýäniň, koronawirus epidemiýasy sebäpli agyr günleri başdan geçirýän ispan halkyna 1 uçarlyk lukmançylyk enjamlaryny kömegini berendigine ünsi çekýär.
Ispaniýanyň tanymal sungat ussady Monika Molina “Türkiýe ýaly ýurtlaryň şeýle agyr günümizde bize ýardam berendigini görmek diýseň gowy. Ýardamlar türk halkynyň söýgüsini we ýardamsöýerligini görkezýär” diýdi.
“Star” gazeti, “Britaniýa: Türkiýeden ýene lukmançylyk enjamlary kömegine garaşýarys” söz başyly habarynda, Britaniýada koronawirusa garşy göreşýän saglygy goraýyş işgärleriniň goraýjy egin eşikler meselesinde uly kynçylygy başdan geçirýändigini we Türkiýeden lukmançylyk enjamy kömegine garaşýandyklaryny nygtaýar.
“Sabah” gazeti, “Gelejek bahara sabyrsyzlyk bilen garaşýarys” söz başyly habarynda, İzmiriň Gaziemir etrabynda geçirilmegi meýilleşdirlen emma koronawirus epidemiýasy sebäpli geçirilmedik 23-nji aprel Milli häkimiýet we çagalar baýramyna gatnaşjak hytaýly çagalaryň wideo arkaly “Gelejek baharda güller açanda çagalar festiwalyňyza gatnaşmak we sizi gutlamak üçin sabyrsyzlyk bilen garaşýarys”diýip gutlag ýüzlenmesini ugradandyklaryny ýazýar.
