Türk metbugatynyň gysgaça mazmuny
Dünýäniň we ýurduň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar
Haber Türk gazedi: “Türkiýeden Netanýahunyň beýanatyna berk reaksiýa” söz başyly habarynda, Daşary işler ministrligi, Ysraýylyň Premýer ministri Binýamin Netanýahunyň Iordan jülgesiniň anneksiýa ediljekdigi baradaky beýanatyna berk reaksiýa bildirdi. Ministrlik tarapyndan berilen beýanatda: “Netanýahunyň 17-nji sentýabrda geçiriljek umumy saýlawlarda üstün çykan halatynda Günbatar Şeriadaky Iordan jülgesi bilen bikanun gurulan ýerleriň anneksiýa ediljekdigi baradaky beýanaty Ysraýylyň eýýäm onlarça ýyllap dowam edýän basyp alyjylygyny we hukugy äsgermeýändigini subut edýän täze bir hereketidir. Bu bikanun hereket asla kabul edilmez” diýip habar berildi.
Hürriýet gazedi: “Türkiýe-Gollandiýa arasynda özara düşünişmek hakyndaky ylalaşyga gol çekildi” söz başyly habarynda, Türkiýäniň Söwda ministri Ruhsar Pekjanyň, Gollandiýa bilen Türkiýe-Gollandiýa Bileleikdäki söwda we ykdysady komitediň çäginde giňişleýin häsýetde hyzmatdaşlyk ylalaşygana gol çekişilendigini aýdandygyny habar berýar. Pekjan: “Şolaryň arasynda ikitaraplaýyn maýa goýumlar, standartlaşdyrma, energetika, transport, döwrebap we ýaşyl şäherler, gaýtadan işlemek ykdysadyýeti, innowasiýa we zenan potratçylygy ýaly ugurlar bar” diýdi.
Ýeni Şafak gazedi: “Breksit Türkiýä täze mümkinçilikler hödürlär” söz başyly habarynda, Prezidentiň Maýa goýum ofisiniň başlygy Arda Ermut, Türkiýe bilen Beýik Britaniýanyň arasynda güýçli ykdysady gatnaşyklaryň bardygyny belläp: “Breksitden soň gatnaşyklarymyzyň güýçlenip dowam etjekdigine ynanýaryn. Türkiýe gutarnykly karara görä ykdysady we söwda gatnaşyklaryň has hem güýçlenýän bir ssenariýniň çäginde hereket edýär” diýip habar berdi.
Watan gazedi: “Malaýziýada Türkiýäniň goranyş senagaty tanyşdyryldy” söz başyly habarynda, Malaýziýada geçirilen “Türk dronlar we awiasia senagaty: Tehnologiýa we mümkinçilikler” atly çärede Türkiýede öndürilen Uçarmansyz howa ulaglary we Ýaragly uçarmansyz howa ulaglary tanyşdyryldy. Malaýziýanyň metbugaty çärä uly gyzyklanma görkezdi. Çärede şeýle hem Türkiýede häzirki wagtda ulanylýan täze nesil howa ulaglary we tehnologiýalar bilen birlikde Malaýziýa bilen bilelikde öndürip boljak taslamalar ara alynyp maslahatlaşyldy.
Sabah gazedi: “Ýewropa Türkiýeden geýinýär” söz başyly habarynda, Türkiýe ýanwar-iýun aýlary aralygynda 162 ýurda 3 milliard 304 million 418 dollarlyk dokama däl egin-eşik we aksessurlar eksport edip, satylan önümler bilen bagly sanawynyň ilkinji orunlarynda Ýewropa ýurtlary bar. Iň köp dokama däl egin-eşik we aksessurlar eksport edilen ýurt 645 million 906 müň dollar bilen Ispaniýa boldy. Ispaniýadan soň 2-nji orunda 427 million 754 müň dollarlyk eksport bilen Germaniýa, 293 million 237 müň dollarlyk eksport bilen Beýik Britaniýa 3-nji, 205 million 649 müň dollarlyk eksport bilen Gollandiýa 4-nji we 137 million 391 müň dollarlyk eksport bilen Fransiýa 5-nji boldy.
