Türk metbugatynyň gysgaça mazmuny
Dünýäniň we ýurduň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar
Haber Türk gazedi: “Çawuşoglyndan Gresiýa ýüzlenme” söz başyly habarynda, Türkiýäniň Daşary işler ministri Mewlüt Çawuşoglynyň, Ortaýer deňiziniň gündogary babatynda, “Gresiýany sebitde ähli meseleler boýunça gazanmak-gazanmak ýörelegsiniň çäginde bir hyzmatdaş hökmünde görmek isleýäris. Geliň hukuklarymyzyň asudalygy üçin bilelikde işläliň. Bu sebite gyzyklanma bildirýän ähli taraplara ýüzlenmämiz meňzeşdir. Biz bilen hyzmatdaşlyk ediň, taraplar girdeji alsyn” diýendigini habar berýär.
Sabah gazedi: “Ýerli ulag nusgasy gözden geçirildi” söz başyly habarynda, Senagat we tehnologiýa ministri Mustafa Warankyň, TOBB-yň başlygy Rifat Hisarjyklyogly we Türkiýäniň awtomobil kärhanasynyň wekillleri bilen duşuşyk geçirendigini beýan edýär. Maslahatda ýerli ulagyň ilkinji nusgasy gözden geçirildi.
Hürriýet gazedi: “Ministr Pekjan: ABŞ-nyň Söwda ministri Türkiýä geler” söz başyly habarynda, Türkiýäniň Söwda ministri Ruhsar Pekjanyň, ABŞ-nyň Söwda ministri Wilbur Ross bilen telefon söhbetdeşligini geçirendigini belläp: “Bu telefon söhbetdeşliginiň çäginde hormatly Rossyň ýanyndaky wekiliýet bilen sentýabr aýynyň ilkinji ýarymynda Türkiýä resmi sapar guramakda ylalaşyk gazandyk” diýendigini nygtaýar.
Star gazedi: “Türkiýe we Finlýandiýa, Russiýanyň howa giňişligine gözegçilik eder” söz başyly habarynda, Russiýanyň Goranmak ministrliginiň gazedi Krasnaýa Zwezdanyň bellemegine görä, Türkiýäniň we Finlýandiýanyň wekiliýetleriniň arasynda geçirilen Açyk asman ylalaşygynyň çäginde, Russiýanyň üstünde Türkiýe CN-235 uçary bilen düýn başlan we 9-njy awgusta çenli dowam etjek gözegçilik uçuşy amala aşyrylar.
Watan gazedi: “Türkiýe organ transplantasiýasy ugrunda dünýäde 2-nji” söz başyly habarynda, Agentlik Pressiň we PRNet-iň Ipsos maglumatlaryndan alynan habara görä, Türkiýäniň organ bagyşyna akyl ýetirmek babatynda 72 göterimlik bir dereje bilen dünýäde 2-nji orundadygy mälim boldy. Sanawyň 1-nji ornunda 74 göterimlik dereje bilen Hindistan bar bolsa, 2-nji orunda barýan Türkiýä 72 göterimlik dereje bilen Ispaniýanyň ýoldaşlyk edýändigi aýan edildi.
