Türk metbugatynyň gysgaça mazmuny

Dünýäniň we ýurduň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar

1229948
Türk metbugatynyň gysgaça mazmuny

“Star” gazeti “Prezident Erdogan: Adalatyň höküm sürýän global dünýä guralyň” söz başyly habarynda, Prezident R.T.Erdoganyň Daşary ýurtly talyplaryň 8-nji gutardyş dabarasynda sözlän sözünde: “Nirede ýaşaýandygyňyza, haýsy iş bilen meşgullanýandygyňyza garamazdan Türkiýe bilen we biri-biriňiz bilen bolan aragatnaşygyňyzy üzmäň. İň esasysy siziň umumy garaýyşyňyz. Adalatyň höküm sürýän global dünýäni gurýança bilelikde işleşeliň” diýen sözlerini okyjy köpçüliginiň dykgatyna ýetirýär.

“Sabah” gazeti “FETÖ” dokumental filminiň ilkinji görkezlişi Belgiýada boldy” söz başyly habarynda, Prezidentiň ýanyndaky Aragatnaşyk edarasynyň iş ýüzüne geçirýän taslamasyna laýyklykda “TRT World” ýaýlymynyň taýarlan Fetullahçy terror guramasynyň (FETÖ) hakyky we garaňky ýüzüni açyp görkezýän “The Network” atly dokumental filmiň ýörite görkezlişiniň Belgiýanyň paýtagty Brýusselde bolandygyny mälim edýär.

“Hürriýet” gazeti “Russiýanyň we Türkiýäniň tagallalary halkara durnuklylyk faktory” söz başyly habarynda, Russiýanyň döwlet Ýolbaşçysy Wladimir Putiniň ýurdunyň we Türkiýäniň Siriýadaky tagallalarynyň halkara durnuklylygynyň esasy faktorlaryndan biridigini aýdandygyny ýazýar. Gazet Putiniň Türkiýäniň Russiýadaky İlçisi Mehmet Samsaryň ynanç hatyny kabul edip, duşuşykda iki ýurduň arasyndaky hyzmatdaşlygyň strategik derejä ýetendigini, Prezident R.T.Erdogan bilen yzgiderli aragatnaşyk saklaýandyklaryny aýdandygyny nygtaýar.

“Watan” gazeti “THÝ ýolagçylaryna täze ýol goşlary” söz başyly habarynda, Türk howaýollarynyň “Wersaže” bilen “Mandarina Duk” tarapyndan taýarlanan ýörite ýol goşlaryny ýolagçylarynyň ulanmagyna berendigini ýazýar. Gazet ýolagçy goşlarynda ýolagçylara syýahatyň dowamynda gerek bolan jorap, gulak dykysy, göz danyşy we duýduryş ýazgylary, dodak losiony, el losiony bilen ýüz spreýi we saç tokasy ýaly zatlaryn bardygyny mälim edýär.

“Ýeni Şafak” gazeti “Stambul howa menzili ýolagçy sanynda täze bir rekord goýdy” söz başyly habarynda, Türkiýäniň esasy taslamalaryndan biri bolan Stambul howa menziliniň diňe bir uçuş taýdan däl, eýsem ýolagçy sany bilen hem rekord goýandygyny ýazýar. Habarda üstümizdäki ýylyň 6-njy aprelinden bäri içerki we halkara gatnawlarda jemi 100 müň uçuşda 15,9 million ýlagçynyň Stambul howa menzilinden peýdalanandygy okyjy köpçüliginiň dykgatyna ýetirilýär.

 



Degişli Habarlar