Türk metbugatynyň gysgaça mazmuny

Dünýäniň we ýurduň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar

1220410
Türk metbugatynyň gysgaça mazmuny

“Sabah” gazeti “Türkiýäniň we Gresiýanyň Goranmak ministrlikleriniň wekiliýetleriniň arasyndaky ikinji duşuşygyň wagty kesgitlendi” söz başyly habarynda, Türkiýe bilen Gresiýanyň Goranmak ministrlikleriniň wekiliýetleriniň Egeý denizinde hyzmatdaşlygy ösdürmek maksady bilen geçirilen gepleşikleriň ikinjisini Ankarada gurajakdygyny mälim edýär. Gazet Milli goranmak ministrliginden berilen beýannamada: “Türkiýe bilen Gresiýanyň Goranmak ministrlikleriniň wekiliýetleriniň arasynda Ynamy berkidiji çäreleriň başda durmagynda Egeý denizinde hyzmatdaşlygy ösdürmek maksady bilen guralýan gepleşikleriň ikinjisi üstümizdäki aýyň 17-21-i aralygynda Ankarada geçiriljekdir” diýilýändigini ýazýar.

“Hürriýet” gazeti “Milli harby uçar ilkinji gezek Parižde tanyşdyryldy” söz başyly habarynda, “Türk Awiasiýa we Kosmos Senagaty Paýdarlar Jemgyýetiniň (TUSAŞ) Milli harby uçarynyň birmeňzeş modelini ilkinji gezek Parižiň Awiasiýa sergisinde tanyşdyrandygyny mälim edýär. Habarda 53-njisi geçirilen dünýäniň belli awiasiýa we kosmos sergilerinden biri bolan Parižiň Awiasiýa sergisinde çykyş eden “TUSAŞ-yň” baş müdiri Temel Kotiliň “Milli harby uçary ilkinji gezek Parižde tanyşdyrdyk. Ol Ýewropanyň iň gowy uçary bolar” diýen sözleri okyjy köpçüliginiň dykgatyna ýetirilýär.

“Star” gazeti “ABŞ-da geçirilen emeli hemra bäsleşiginde 1-nji we 2-nji orunlary Türkiýe eýeledi” söz başyly habarynda, Amerikan astronomiýa topary bilen Amerikanyň Milli Awiasiýa we Kosmos edarasy NASA tarapyndan guralan dünýäniň iň bir abraýly model emeli hemra bäsleşigi KanSatda türk uniwersitetleriniň üstünlik bilen çykyş edendiklerini ýazýar. Gazet Tehasda geçirilen bäsleşikde 40 toparyň arasynda Stambulyň Tehniki uniwersitetiniň “Apis” toparynyň birinji orny, Zonguldak Bülent Ejewit uniwersitetiniň “Grizu-263 Kosmos” toparynyň bolsa ikinji orny eýeländigini mälim edýär.

“Haber Türk” gazeti “Ýewropa “Çeribaşy” üpjesi eksport edilýär” söz başyly habarynda, Edirne welaýatynyň Enez etrabynda ösdürilip ýetişdirilýär we hasyly ýygnalmaga başlanan “Çeribaşy” üljesiniň Germaniýa, Fransiýa we Gollandiýa ýaly köp sanly Ýewropa ýurduna eksport edilýändigine ünsleri çekýär. Esasan Ýewropa ýurtlaryna eksport edilýän üljäniň ýyllyk 400 tonna barabar öndürilýändigi habar berilýär.

“Ýeni Şafak” gazeti “Stambul Opera festiwaly başlaýar” söz başyly habarynda, Halkara Stambul Opera festiwalynyň 2-nji iýulda sungaty söýüjileriň gatnaşmagynda açyljakdygyny ýazýar. Gazet 10-njysy geçiriljek festiwalyň 14-nji iýula çenli dowam etjekdigini, “Bolşoý” teatrynyň bolsa festiwala ilkinji gezek gatnaşjakdgyny mälim edýär.



Degişli Habarlar