Türk metbugatynyň gysgaça mazmuny

Watan gazedi: “Wonderland Euroasia 31-nji marta çenli mugt bolar” söz başyly habarynda, Türkiýäniň Prezidenti Rejep Taýýip Erdoganyň paýtagt Ankarada gurulan Ýewropanyň iň uly tematik parky aýratynlygyna eýe bolan Ankapark Wonderland Euroasia parkynyň açylyşyna gatnaşandygyny habar berýär. Habarda “Ankapark şol bir wagtda daşky gurşaw dosty bolan bir taslamadyr” diýen Erdoganyň, Ankaparkyň şähere uly goşantlarynyň boljakdygyny aýdandygy nygtalýar. Erdogan Ankapark Wonderland Euroasia parkynyň 31-nji mart agşama çenli mugt ýagdaýda hyzmat berjkekdigini beýan etdi.

Ýeni Şafak gazedi: “S-400-leriň Türkiýedäki ilkinji duralgasy belli boldy” söz başyly habarynda, Türkiýäniň Russiýadan satyn aljak howa goranyş ulgamy S-400 batareýalarynyň ilkinji duralgasynyň paýtagt Ankaradaky Akynjy howa bazasynyň boljakdygyny mälim edýär. Gazet ılkinji etapda batareýalaryň biriniň Akynjy bazasynda galjakdygyny, beýlekisiniň bolsa ýurdyň Gündogar we Günorta-gündogar sebitinde bolmagy ähtimal howplara garşy ol ýerde ulanyljakdygyny okyjy köpçüliginiň dykgatyna ýetirýär.

Star gazedi: “Tomus aýlarynda buýjet artykmaçlyk etaby başlaýar” söz başyly habarynda, Trabzonda geçirilen “Ädim ädim ykdysadyýet” temaly maslahatda çykyş eden Gazna we maliýe ministri Berat Albaýragyň, ykdysadyýetiň soňky ýagdaýy bilen bagly beýanat berendigini beýän edýär. Albaýrak: “Tomus aýlarynda syýahatçylygyň, oba-hojalygyň täsiri bilen, eksportyň hem has köp täsiri bilen buýjet artykmaçlyk etabyny başladýarys” diýip belledi.

Haber Türk gazedi: “Türkiýe, Ortaýer deňizinde we Gara deňizde daşary ýurtly kärhanalar bilen hyzmatdaşlyga taýýar” söz başyly habarynda, Energetika we tebigy serişdeler ministri Fatih Dönmeziň, Ortaýer deňizinde we Gara deňizde nebit we tebigy gaz gözlegleri bilen baglanşykly maglumat berendigini aýan edýär. Gazet Ortaýer deňizindäki tebigy gaz gözleglerinde iň gysga wagtda netije aljakdyklaryny we Türkiýäniň ykdysadyýetiniň has hem güýçlenjekdigini aýdandygyny nygtaýar. “Energetika bar bolsa hökman taparys” diýen Fatih Dönmez: “Hem Ortaýer deňizinde hem-de Gara deňizde halkara nebit kärhanalary bilen täze hyzmatdaşlyklarymyz bolup biler, oňa taýýardyrys” diýip belledi.

Hürriýet gazedi: “Türk Howaýollary Argentinanyň ägirdi River Plate toparyna hemaýatkär boldy” söz başyly habarynda, Türk Howaýollarynyň Argentinanyň meşhur River Plate toparynyň formasynyň hemaýatkäri bolandygyny malim edýär.