Türk metbugatynyň gysgaça mazmuny
Gün tertibiniň ileri tutulýan ugurlary hakyndaky habarlar gündelik gazetlerde giň seslenme döredýär
“Hürriýet” gazeti “Ministr Çawuşogly Brýusselde möhüm beýanat berdi” söz başyly habarynda Brlgiýanyň paýtagty Brýusselde düýn ÝB we BMG tarapyndan geçirlen “Siriýanyň we sebitiň geljegine goldaw” temaly konferensiýada çykyş eden Daşary işler ministri Mewlüt Çawuşoglynyň “Astana etaby çaknyşyklaryň azalmagyna we syýasy etabyň başlamagyna uly goşant goşdy” diýendigini ýazýar.
“Haber Türk” gazeti “Ministr Akardan F-35 beýanaty” söz başyly habarynda Milli Goranmak ministri Hulusi Akaryň F-35 kysymly harby uçarlaryň ABŞ-dan Türkiýä noýbar aýynda gowşurylmagyna garaşylýandygy hakyndaky sözlerine ýer berýär
Türkiýäniň F-35-ler meselesinde öz üstüne düşýän jogapkärçiliklerini bir kemsiz ýerine ýetirýändigini aýdan Akar “Hünärmenlerimiz ABŞ-da tälimlerini dowam etdirýär. Noýabr aýynda uçarlaryň Malatýa şäherine gelmegine garaşýarys” diýdi.
“Ýeni Şafak” gazeti “Adalat ministri Gül Ýewropa Parlamentiniň kararyna berk garşylyk görkezdi” söz başyly habarynda, Adalat ministri Abdulhamit Gülüň Ýewropa Parlamentiniň 2018 Türkiýe habarnamasyna berk garşylyk görkezendigini mälim edýär.
Ministr Gül “Habarnama Ýewropanyň hut öz taryhy gymmatlyklaryndan çetleşýändiginiň görkezisi hökmünde taryhda ýer alar” diýdi
“Star” gazeti Prezidentiň simfoniýa orkestiniň tanymal sungat ussady Žulide Ýalşynyň Bolgariýanyň paýtagty Sofiýada konsert programmasy bilen çykyş edendigini habar berýär.
“Sabah” gazeti “2200 ýyllyk medeni miras” söz başyly habarynda Samsun welaýatynyň Bafra etrabynda elen döwründe gurlan gaýa mazarlarynyň, esasan Paflagonýa döwrüne degişli 2300 ýyllyk mazarlaryň ünsleri özüne çekýändigini okyjylarynyň dykgatyna ýetirýär.
