Türk metbugatynyň gysgaça mazmuny
Dünýäniň we ýurduň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar
“Hürriýet” gazeti “Prezident Erdogan: “Oýunyňyzy gördük we duýdurýarys” söz başyly habarynda, Prezident R.T.Erdoganyň Trabzon welaýatynda Adalat we ösüş partiýasynyň arkalaşyk mejlisinde möhüm beýanatlar berendigini ýazýar. Gazet Erdoganyň; “Trabzondan yglan edýärin, oýunyňyzy gördük we duýdurýarys. Siz dollar bilen gelseniz bizem işlerimizi başga ýollar bilen dowam etmegiň çaresini gözläris. 81 million ilatly ýurt bilen edilýän strategik hyzmatdaşlygyň ýerine terror guramasy bilen hyzmatdaşlyk etmegi saýlap alanlara ýoluň açyk bolsun diýeris” diýen sözlerini okyjy köpçüliginiň dykgatyna ýetirýär.
“Watan” gazeti “Moskwa käbir türk raýatlaryna wiza ýeňilligini döreder” söz başyly habarynda, Russiýanyň Daşary işler ministrliginiň türk raýatlaryna käbir ugurlarda wizalaryň bes edilmegi üçin taýarlyklaryň tamamlanandygyny habar berendigini ýazýar. Gazet ministrlikden berilen ýazmaça beýanatda Russiýanyň Daşary işler ministri Sergeý Lawrowyň İlçileriň 10-njy maslahatynyň çäginde awgust aýynyň 13-14-i aralygynda Türkiýä gurajak saparynyň dowamynda Türkiýe bilen Russiýanyň arasyndaky ykdysady gatnaşyklaryň seljeriljekdiginiň nygtalýandygyna üns çekilýär. Habarda ministrlikden berilen beýanatda; “Ýurtlarymyzyň arasyndaky söwda mukdarynyň ýokarlamagy uly kanagatlanma döredýär. Saparda iki ýurduň raýatlarynyň syýahatlarynyň ýeňilleşdirilmegine hem garalar. Resmi Moskwa türk raýatlaryna käbir ugurlarda wizalaryň bes edilmegine taýardygyny ýene-de bir gezek beýan edýar” diýilýändigi okyjy köpçüliginiň dykgatyna ýetirilýär.
“Haber Türk” gazeti “Söwda geňeşmeler bilen öser” söz başyly habarynda, Söwda ministri Ruhsar Pekjanyň täze döwürde jemgyýetçilik guramalary bilen ýakyn aragatnaşyk etjekdiklerini we söwdany, eksporty ösdürmek üçin proaktiw syýasat alyp barjakdyklaryny nygtap; “Şol çäkde Geňeş döretdik. Söwdanyň öňündäki bökdençlikleri ortadan aýyrmak, hususy pudaga ýeňillik döretmek üçin ähli taraplaryň pikirlerini, tekliplerini diňläris” diýen sözlerini çap edýär.
“Star” gazeti “Ýasemin Jan Ýewropada üçünji orun eýeledi” söz başyly habarynda, Ýewropanyň Atletika çempionatynda zenanlaryň arasynda 5 müň metr aralykda türgen Ýasemin Janyň bürünç medalyň eýesi bolandygyny ýazýar.
Degişli Habarlar
Türk metbugatynyň gysgaça mazmuny
Gün tertibiniň ileri tutulýan ugurlary hakyndaky habarlar gündelik gazetlerde giň seslenme döredýär.
