Türk metbugatynyň gysgaça mazmuny
Dünýäniň we ýurduň gün tertibiniň ileri tutulýan ugurlary bilen bagly habarlar gündelik gazetlerde gin beýan tapýar
“Ýeni Şafak” gazeti “Prezident R.T.Erdogan: “Ysraýyl terror döwleti” söz başyly habarynda, Prezident R.T.Erdoganyň Ysraýylyň harby güýçleriniň Gazada ABŞ-nyň İlçihanasyny Tel-Awiwden İýerusalime göçürmegini protest eden palestinalylara od açyp, asuda ilatdan onlarjasyny gyrmagyna reaksiýa bildirendigini ýazýar. Gazet Erdoganyň: “Ysraýyl genosid edýär. Ysraýyl terror döwleti” diýen sözlerini çap edýär. Habarda Britaniýanyň paýtagty Londonda türk talyplar bilen duşuşan Erdoganyň Türkiýäniň Palestinanyň ýanynda ygrarlylyk bilen durmaga dowam etjekdigini nygtap; “Şu güni yslam dünýäsiniň İýerusalimi ýitiren günümiz bolmagyna asla ýol bermeris” diýendigini okyjy köpçüliginiň dykgatyna ýetirýär.
“Haber Türk” gazeti “Bekir Bozdag: “İýerusalim garaşsyz Palestinanyň paýtagty” söz başyly habarynda, Wise-premýer Bekir Bozdagyn basybalyjy Ysraýyl esgerleriniň parahatçylykly ýöriş geçirýän ýaragsyz onlarça palestinalyny gyrmagyna berk reaksiýa bildirendigini, Bozdagyň düýnki gyrgynçylygyň taryha ganly duşenbe hökmünde geçjekdigini aýdandygyny ýazýar.
“Watan” gazeti “İndi ABŞ-nyň töwellaçylygy ýok” söz başyly habarynda, Daşary işler ministri Mewlüt Çawuşoglynyň İýerusalimde Ysraýyl tarapyndan edilen gyrgynçylyga meçew beren ABŞ-nyň mundan beýläk islän halatynda-da Ysraýyl-Palestina meselesiniň çözülmeginde töwellaçy bolmajakdygyny aýdandygyny ýazýar. Gazet Çawuşoglynyň ABŞ-nyň İlçihanasyny İýerusalime göçürmegi sebäpli wakalar barada: Bir tarapda sazly-dabaraly açylyş, beýleki tarapda ganly gyrgynçylyk. İkisem şol bir ýerde başdan geçirilýär” diýendigini mälim edýär.
“Sabah” gazeti “Stambulda İýerusalim protesti” söz başyly habarynda, Stambulyň Beýogly etrabynda jemlenşen müňlerçe adamyň ABŞ-nyň Tel-Awiwde ýerleşýän İlçihanasyny İýerusalime göçürmegini protest edendigini, palestinalylar üçin “Uly apat” häsýetlendirilýän Nakba gününde ABŞ-nyň İlçihanasyny İýerusalime göçürmegi sebäpli jemgyýetçilik guramalarynyň Tünel meýdanynda jemlenşip, “İýerusalim musulmanlaryňky” ýazylgy şygarlar bilen Galatasaraý meýdanyna çenli ýöriş geçirendigini okyjy köpçüliginiň dykgatyna ýetirýär.
“Star” gazeti “18 trillion dollary dolandyrýan bank gaznalary we firmalary Türkiýede maýa goýmaga çagyrdy” söz başyly habarynda, Prezident R.T.Erdoganyň Londonda global bazarlary ugrukdyrýan, 18 trillion dollary dolandyrýan ägirt uly maýadarlar bilen duşuşandygyna ünsleri çekýär. Gazet maslahata “Jitigrup”, “Kredir Suisse”, Doýçe Bank”, Goldman Saş”, “ŽP Morgan”, “Morgan Stanleý”, Rabonank”, BlakRok” İnternational” ýaly belli 25 firmanyň we gaznanyň ýokary derejeli wekilleriniň gatnaşandygyny mälim edýär. habarda Erdganyň 3 müňden gowrak iňlis firmasynyň Türkiýede iş alyp barýandygyny nygtap, daşary ýurtly maýadarlar üçin uly ýeňillikleriň döredilendigini gürrüň berendigini ýazýar.
