Türk metbugatynyň gysgaça mazmuny
Gün tertibiniň ileri tutulýan ugurlary hakyndaky habarlar gündelik gazetlerde giň seslenme döredýär
“Sabah” gazeti “Türkiýe ÝB-niň 7 kadasyny tamamlamak üçin herekete geçdi” söz başyly habarynda resmi Ankaranyň ÝB bilen wizasyz syýahat döwrüniň başlamagy etabynyň depgininiň güýçlendirilmegi hakynda karar kabul edendigini ýazýar.
Habarda wiza erkinligi üçin soňky 7 kadanyň ýerine ýetilmegi üçin işe girişilendigi nygtalýar.
Daşary işler ministri Mewlüt Çawuşolygynyň, ÝB ministri we Türkiýäniň adyndan ÝB boýunça gepleşikleri alyp baryjy Ömer Çeligiň, Adalat ministri Abdulhamit Gülüň we Içeri işler ministri Süleýman Soýlunyň gatnaşmagynda geçirlen maslahatda edilmeli işler kesgitlenildi.
“Ýeni Şafak” gazeti “Eýrandan 100 milliard dollarlyk çakylyk” söz başyly habarynda Eýranyň Nebit ministriniň kömekçisi Amir Talebianyň energetika pudagynda goýuljak 100 milliard dollarlyk 6 taslama üçin türk hususy firmalaryna maýa goýum çagyryşyny berdi.
ABŞ-nyň we BMG-nyň embargosy sebäpli Türkiýäniň bu taslamalarda öňe saýlanýandygyna ünsi çeken Talebian “100 milliard dollarlyk maýa goýumda Türkiýe bilen birlikde hereket etmek sebitara we halkara derejesinde diýseň möhüm” diýdi.
“Star” gazeti “Türk pforessory Sami Erol Gelenbe Yslam dünýäsiniň Nobel baýragyna eýe boldy” söz başyly habarynda Eýranda geçirlen we Yslam dünýäniň Nobeli hökmünde bilinýän Mustafa baýragyny Londonda işleýän türk profesory Sami Erol Gelenbäniň eýe bolandygyny habar berýär.
Kompýuter ulgamlary we olaryň matematiki analizleri boýunça geçiren ylmy barlaglary bilen Mustafa baragyny alan türk alymy Sami Erol Gelenbe 500 müň dollarlyk baýragynyn hem eýesi boldy.
“Watan” gazeti Jüneýt Çakyr Çempionlar ligasyny gönükdirer söz başyly habarynda Halkara Futbol federassiýasynyň emin agzasy Jüneýt Çakyr UEFA Çempionlar ligasynyň 6-njy hepdesinde Germaniýanyň Baýern Mýunhen komandasy bilen Fransiýanyn wekili Paris Saint-Germanyň arasynda 5-nji dekabrda sişenbe güni boljak futbol bäsleşigini gönükdürjekdigini mälim edýär.
Türkiýäniň Futbol Federassiýasyndan berlen beýanata görä, Germaniýanyň Mýunhen şäherindäki Allianz stadionynda Türkiýe wagty bilen 22.45-de başlajak B toparyndaky bäsleşikde emin agzasy Jüneýt Çakyra Bahattin Duran bilen Taryk Ongun kömek berer.
