Türk metbugatynyň gysgaça mazmuny 06.02.2017
Gün tertibiniň ileri tutulýan ugurlary hakyndaky habarlar gündelik gazetlerde giň seslenme döredýär
“Ýeni Şafak” gazeti “DAIŞ-e içerde we daşarda uly zarba” söz başyly habarynda terror guramasy DAIŞ-e garşy göreşýän Türkiýäniň operasiýalarynyň depginini güýçlendirendigini ýazýar.
Gazet terror guramasyna Siriýada we ýurduň içinde uly zarba urlandygyny, Stambul, Ankara, İzmir we Şanlyurfa şäherleriniň başda durmagynda 28 welaýatda guralan operasiýada gurama bilen arabaglanşykly 690 adamyň göz tussaglygyna alynandygyny belleýär.
Gazet Baş ştabyň başlygy goşun generaly Hulusi Akaryň Gury ýer we Howa güýçleriniň serkerdeleri bilen birlikde Gaziantepdäki we Kilisdäki harby merkezlere baryp Ýefrat galkany operasiýasy we terror garşy göreş hakynda maglumat alandygyny nygtaýar.
“Star” gazeti ykdysadyýet habarynda Türkiýe bilen Ysraýylyň arasyndaky erkin söwda şertnamasynyň ýaňadandan gözden geçirilýändigini habar berýär.
Gazet erkin söwda şertnamasynyň çäginde palestinalylara iş mümkinçiliginiň döredilmegi maksady bilen Jenin şäherinde türk işewür adamlarynyň Palestina markasy bilen önüm öndürjekdigini belleýär.
“Watan” gazeti “Türkiýe metro gatnawynda rekorda tarap barýar” söz başyly habarynda Stambulyň 2000-njy ýylda 8,5 kilometr uzynlygynda bolan metro gatnawynyň 2023-nji ýylda Nýu Ýorkdan soň dünýäniň iň uzyn liniýasy boljakdygyny mälim edýär.
Gazet 17 ýyl ozal Taksim-Lewent metrosy açylan mahaly Stambulyň metrosynyň Nýu Ýork, Pariž, Moskwa ýaly şäherleriniň metrosy bilen deňeşdirilendegini şol mahal 8,5 kilomtr uzynlygynda bolan metronyň häzir 150 kilometr uzynlyga çenli baryp ýetendigini we 156 kilometrlik metronyň gurluşygynyň hem dowam edýändigini ýatladýar.
Gazet Stambulyň 2023-nji ýylda 1000 kilometrlik relýesli ulgamy bilen Nýu Ýorkdan soň ikinji orny eýelejekdigine ünsi çekýär.
“Hürriýet” gazeti “Awtoulag eksporty 37 göterim artdy” söz başyly habarynda, eksportyň özenini emele getirýän awtoulag pudagynyň depgininiň 2017-nji ýylda güýçlenendigini we pudagyň ýanwar aýyndaky eksportynyň 37 göterim artyp 2 milliard 69 million dollara barabar bolandygyny ýazýar.
“Sabah” gazeti “Nemes Der Şpigel žurnali ahyry FETÖ hakykatyna göz ýetirdi” söz başyly habarynda nemesleriň hem FETÖ hakykatyna ahyry göz ýetirendigini ýazýar.
Gazet žurnalyň Fetullahçy terror guramasy FETÖ-niň howply guramadyna göz ýetirendigini belleýär.
Žurnal döwlet eýeçiligindäki edaradyr kärhanalarda dürli wezipelerde işleýän FETÖ-jileriň wezipelerinden hyýanatçylykly peýdalanandyklaryna ünsi çekýär.
