Türk metbugatynyň gysgaça mazmuny 11.04.2016

Dünýäniň we ýurduň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar

“Sabah" gazeti “İlkinji topy Erdogan urdy" söz başyly habarynda, Beşiktaşyň täze stadiony “Wodafone Arenanyň" taryhy dabara bilen açylandygyny ýazýar. Gazet Prezident R.T.Erdoganyň “Beşiktaşa gijä galan haky berildi. Gara bürgüdiň şanyna gelişýän eser boldy" diýen sözlerini çap edýär. Habarda açylyş lentasyny kesen Prezident Erdoganyň uruş nokadyna baryp, ilkinji topy urandygyny, açylyş dabarasyna Prezident Erdogan bilen birlikde Premýer ministr Ahmet Dawutoglynyň, ministrleriň, 11-nji Prezident Abdulla Gülüň we Beşiktaşyň başlygy Fikret Ormanyň meýdançada top oýnandyklary mälim edilýär.

“Ýeni Şafak" gazeti “ýewropanyň terror synagy" söz başyly habarynda, Türkiýede gyzyl býulleten bilen gözlenýän, ÝB-ne agza ýurtlarda arkaýyn gezýän 350 PKK terrorçysyny ýaňadandan sorajakdygyny okyjy köpçüliginiň dykgatyna ýetirýär. Gazet Türkiýäniň ÝB-niň uzak ýyllardan bäri yzyna berilmeýän PKK terrorçylaryny yzyna bermegi üçin Şweýsariýanyň Federal Kazyýetiniň Germaniýanyň polis guramasy tarapyndan soralan TİKKO terrorçysy Mehmet Ýeşilçal barada 8-nji martda kabul kararyny mysal görkezjekdigini ýazýar.

“Hürriýet" gazeti “Ýene-de mekdep ýakdylar" söz başyly habarynda, PKK terrorçylarynyň öňňin gije Wan welaýatynyň Edremit etrabynda üç gatly Kinýas Kartal başlangyç mekdebine elde ýasalan bomba bilen hüjüm gurandygyny mälim edýär. Habarda Ýangyn söndürijileriň tagallasyna garamazdan mekdebiň käbir bölümleriniň dolulygyna ýanandygy, mekdepde çekilen ýitginiň 200 müň lira barabardygy nygtalýar.

“Haber Türk" gazeti “Diýarbakyr-Erbil saparlary başlady" söz başyly habarynda, Diýarbakyr welaýatyndan daşary ýurda ilkinji uçar saparynyň başlandygyny okyjy köpçüliginiň dykgatyna ýetirýär. Habarda Türk Howaýollaryna degişli uçaryň 71 ýolagçysy bilen Yragyn Erbil şäherine uçandygyny, Adalat we ösüş partiýasynyň başlygynyň orunbasary Mehdi Ekeriň “Uçar saparlary Diýarbakyr bilen Erbiliň arasyndaky söwda we syýahatçylyk gatnaşyklarynyň ösmegine uly goşant goşar" diýen sözlerine üns çekilýär.

“Watan" gazeti “Ýahtalaryn şowy maýda Stambulda" söz başyly habarynda, tä gaýyklaryň arzanladylan we ýörite nyrhlardan satuwa çykaryljakdygy, ulanylan gaýyklaryň gatnaşmagyndaky “Ýaht Şou Ýewraziýanyň" maý aýynyň 5-10-y aralygnda Stambulda geçiriljekdigini okyjy köpçüliginiň dykgatyna ýetirýär.