Türk metbugatynyň gysgaça mazmuny 11.11.2015
Dünýäniň we ýurduň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar
“Star” gazeti “Nemes daşary işler ministri: Biz türkler bilen ylalaşmaga mejbur” söz başyly habarynda, Germaniýanyň Daşary işler ministri Frank Walter Steinmeireiň siriýaly bosgunlar meselesinin çözülmegi üçin Türkiýe bilen ylalaşylmagyna garşy durýanlaryň bardygyny nygtap: “Grek adalaryna gelýänleriň sanynyň azalmagy üçin Türkiýe bilen ylalaşylmaly” diýendigini ýazýar. Gazet Steinmeieriň bu meselede ÝB-niň başga çykalgasynyň ýokdugyny aýdandygyny mälim edýär.
“Haber Türk” gazeti “Liderleriň airişouwy” söz başyly habarynda, G20-niň Antalýada geçiriljek maslahatynyň diňe bir gatnaşyjy liderler bilen däl, eýsem olaryň WİP uçarlary bilen-de ünsleri çekjekdigini nygtaýar. Gazet iň täze tehnologiýalar bilen üpjün edilen uçarlaryň gonjak Antalýa howa menziliniň hamala diýersiňiziň onlarça uçaryň sergilenjek “Airşouna” meňzejekdigini ýazýar. Liderleriň millionlarça dollar gymmatyndaky uçarlarynyň esasy bölegi Being 747 kysymly ägirt uçarlardan ybarat. ABŞ-nyň Prezidenti Barak Obama tarapyndan-da ulanylýan Boing 747 kysymly uçar ýerden we uçardan atylýan roketalary kesgitleme ukybyna eýedigini, liderleriň uçarlary üçin Antalýanyň howa menzilinde 60 uçarlyk, gündelik myhmanlar üçin bolsa 34 uçarlyk duralga bölünip berilendigini okyjy köpçüliginiň dykgatyna ýetirýär.
“Sabah” gazeti “Somada 100 tonna altyn ätiýajyny tapdyk” söz başyly habarynda, Türkiýäni tolkundyran habaryň Manisa welaýatyndan gelip gowşandygyny buşlaýar. Gazet Energetika we tebigy serişdeler ministri Ali Ryza Alaboýunyň Manisa welaýatynyň Soma etrabynda 100 tonnadan gowrak altyn ätiýajyny tapandyklaryny aýdandygyny ýazýar. Habarda şol ätiýajyň Türkiýäniň bar bolan potenasialynyň 14 göterimine barabardygy mälim edilýär.
“Ýeni Akit” gazeti “Sowuksu milli goraghanasy” filmi rekord goýdy” söz başyly habarynda, Tokaý hojalygy we suw serişdeleri ministrligi tarapyndan taýarlanan Ankaranyň Kyzyljahamam etrabyndaky Sowuksu milli goraghanasy baradaky “Sowuksu, gyrdaky tokaý” atly filmiň sosial mediada 1,1 million gezek tomaşa edilendigini nygtaýar.
“Hürriýet” gazeti “Altyn globusa ýüz tutmasy kabul edildi” söz başyly habarynda, Kaan Müždeji tarapyndan ýazylan ilkinji filmi “Siwasyň” 73-nji Altyn globus baýraklaryna eden ýüz tutmasynyň kabul edilendigini okyjy köpçüliginiň dykgatyna ýetirýär. 10-njy dekabrda dalaşgärleri yglan ediljek “Altyn globusyň” baýrak gowşurlyş dabarasy 10-njy noýabrda geçiriler.
