Türk metbugatynyň gysgaça mazmuny 18.09.2015

“Star” gazeti: “Terrorçylyga garşy bir ses” söz başyly habarynda, ýurduň asudalygyny we howpszylygyny nyşana alan terrorçylaryň terrorçylykly hüjümlerine garşy Türkiýäniň halkynyň sesiniň bir ses bolandygyny mälim edýär. Gazet 14 jemgyýetçilik guramasy tarapyndan guralan terrorçylyga garşy ýörişiň Ankaranyň Syhhiýe meýdançasynda başlandygyny we oňa aralarynda çagalar, zenanlar, uruş weteranlary, garrylar bolan ýüz müňlerçe adamyň gatnaşandygyny nygtaýar. Habarda 20-nji sentýabrda ýekşenbe güni Stambulyň Ýenikapy meýdançasynda Prezident R.T. Erdoganyň we Premýer ministr Ahmet Dawuoglynyň gatnaşmagynda “Millionlarça adam terrora garşy bir ses” şygary bilen mitingiň geçiriljekdigi bellenýär.

“Ýeni Şafak” gazeti: “Ilkinji miting 9-njy oktýabrda başlar” söz başyly habarynda, 7-nji iýun saýlawlaryndan ozal 81 welaýatda miting geçiren, hatda käbir welaýatlara 2 gezek giden Premýer ministr Ahmet Dawuoglynyň 1-nji noýabr saýlawlarynyň mitinginiň 9-njy oktýabrda başlajakdygyny habar berýär. Habarda saýlaw propogandalaryny 23 güniň dowamynda ýerine ýetirjek Premýer ministri Dawutoglynyň her gün 1 welaýata gitjekdigi ýazylýar. Gazet Ahmet Dawuoglynyň esasan hem telewideniýe programlarynyň üsti bilen popoganda ýöretjekdigine ünsi çekýär.

“Watan” gazeti: “Roketsan bilen Lockheed güýçlerini birleşdirdi” söz başyly, Roketsan we Lockheed Martin kärhanalarynyň häzirki zaman howadan gury ýere atylýan SOM-J-niň F-35 atly roketalaryň harby uçarlara intergarsiýa meselesinde hyzmatdaşlyk etjekdigini okyjy köpçüliginiň dykgatyna ýetirýär. Gazet iki kärhananyň arasynda baglaşylan ylalaşyk bilen SOM-J halkara bazarlarda satylmaga başlanjakdygyny nygtaýar.

“Hürriýet” gazeti: “Siriýalylara 100 mekdep” söz başyly habarynda, Türkiýede resmi hasabata görä 2 million siriýaly bosgunyň bardygyny habar berýär. Gazet söweşde esasan hem mekdeplere zeper ýetendigini we şol sebäpli Türkiýedäki siriýaly çagalaryň Bilim ministrligine bagly mekdeplerde 15.30-20.30 sagatlar aralygynda bilim alyp biljedigini belleýär. Habarda şonuň üçin Ankarada 3, Satmbulda 10 mekdep bilen birlikde jemi 100 mekdebiň guruljakdygy ýazylýar.

“Milliýet” gazeti: “Ajaýyp sergi Dohada açyldy” söz başyly habarynda, 60-dan gowrak ýurtda görkezilen Ajaýyp asyr teleseriýalynyň Ajaýyp asyryň gözelligi atly serginiň Dohada sergilenmäge başlandygyny mälim edýär. Gazet serginiň açylyş dabarasyna Kataryň Medeniýet we sungat ministri Hamad Bin Abdulaziz Al Kuwari, hemaýatkärler we Doha film institutynyň ýolbaşçylary bilen birlikde filimiň baş rolyndaky Halit Ergenç, Okan Ýalabyk we Selma Ergeç ýaly aktorlaryň gatnaşandygyna ünsi çekýär. Habarda sergide bazary ýeriniň, Haremiň, 5 sany heýkeliň, filmde geýilen ýörite egin-eşikleriň we şaý-sepleriň sergilenýändigi habar berilýär.