Türk metbugatynyň gysgaça mazmuny 14.09.2015
Dünýäniň we ýurduň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar
“Ýeni Şafak” gazeti “Terrora garşylyk: 600 jemgyýetçilik guramasy ertir meýdanlara çykar” söz başyly habarynda, ertir Diýarbakyr şäherinde meýdanlara çykjak 600-dan gowrak jemgyýetçilik guramasynyň, aktiwistleriň we intellektuallaryň pajygaly hüjümlerini artdyran terror guramasy PKK-nyň aksiýalaryny ýazgaryp, jebislik ýüzlenmesini berjekdigini ýazýar. Gazet ýörişe gatnaşjaklaryň ellerinde gwozdikalar bilen asuda ýöriş geçirjekdigini, terror guramasy PKK-nyň pajygaly hüjümlerini ýazgaryp, ýarag taşlamaga çagyrjakdygyny mälim edýär.
“Star” gazeti “Siriýada we Yrakda paýlanan ýaraglar PKK-nyň elinde” söz başyly habarynda, ozalky daşary işler ministri Mewlüt Çawuşoglynyň günbatar ýurtlarynyň terror guramasy PKK-ny legallaşdyrmaga synanşýandyklaryny, Siriýada we Yrakda günbatar ýurtlarynyň paýlan ýaraglarynyň hem PKK-nyň elindedigini aýdandygyna ünsleri çekýär. Habarda Çawuşoglynyň günbataryn bosgulary kabul etmek meselesinde “iki ýüzli” çemeleşýändigini, siriýaly bosgunlary ýurtlaryna kabul etjekdigini beýan köp sanly Ýewropa ýurdunyň bosgunlaryň uýýan dinine we alan bilimine görä saýlaýandygyny aýdandygy nygtalýar.
“Sabah” gazeti “Dünýä adamkärçilik görsün” söz başyly habarynda, “Ýewropa ýurtlarynyň Siriýadaky içerki uruşdan gaçan bosgunlara gapylaryny basyş sebäpli açandygyny, zordan 5 mün bosguny kabul etdiler. Wagta-wagtal ýenjilen bosgunlaryň her biriniň gözünde ýaz bardy. Türkiýedäki iki million bosgunyň bolsa berilen kömekleri sebäpli ýüzleri güldi. Türk halky doganlary hökmünde kabul edilen bosgunlara gujak açdy” diýip ýazýar.
“Milliýet” gazeti “Gadymy türkleriň kody çözüldi” söz başyly habarynda Türk hyzmatdaşlyk we utgaşdyryjy agentligi TİKA-nyň Mongyliýada geçirýän gazuw-agtaryş işlerinde türk taryhy üçin iňňän möhüm tapyndylaryň ýüze çykarylandygyny mälim edýär. Gazet Göktürk weziri Tonýukuga degişli ýazuw ýadygärlikleriniň ýerleşýän giňişligindäki gadymy türklere degişli gubyr, heýkel we beýleki zatlaryň ýüze çykarylandygyny ýazýar. Täze tapyndylar Ulanbatoryň Nalaýh etrapçasynda guruljak ikinji türk muzeýinde sergilener.
“Hürriýet” gazeti “Lara Fabian Stambulda” söz başyly habarynda, asly belgiýaly bolan Kanadanyň dünýä meşhur aýdymçysy Lara Fabianyň Türkiýede ýene-de bir gezek konsert bermek üçin taýarlyk görýändigini okyjy köpçüliginiň dykgatyna ýetirýär. Gazet, Lara Fabianyň 15-nji oktýabrda Stambulda janköýerleri bilen duşuşjakdygyny, Fabianyň Mustafa Jejeli we aktýor Halit Ergenç bilen sahna çykjakdygyny mälim edýär.
