Türk metbugatynyň gysgaça mazmuny 23.06.2015

Gün tertibiniň ileri tutulýan ugurlary baradaky habarlar gündelik gazetlerde giň seslenme döredýär

315355
Türk metbugatynyň gysgaça mazmuny 23.06.2015

Ýeni Şafak” gazeti: “Bosniýada saçak ýazyldy” söz başyly habarynda, Türkiýäniň “Diýanet” gaznasynyň oraza aýynda 68 ýurtda 400 gezek agzaçar berjekdigini mälim edýär. Gazet gaznanyň dünýäniň ençeme ýerinde kömege mätäç adamlara ynsanpewer kömegini berjekdigini belleýär. Habarda şol maksat bilen ýola çykan gaznanyň soňky duralgasynyň Bosniýa bolandygy, gazna tarapyndan taýarlanan agzaçar saçagynda ýüzlerçe musulmanyň jemlenip agzyny açandygy ýazylýar. Gazet gaznanyň şu ýylky şygarynyň: “Bu remezan we ähli wagt ýagşylyk etmegiň wagtydyr” şygarydygyna, gaznanyň bu ýylky oraza aýynda we ähli oraza aýlarynda dünýä ähli ýerinde kömege mätäç adamlara ynsanperwer kömegini berjekdigine ünsi çekýär.

Star” gazeti: “Kapadokýa jadyly dünýäniň subudy” söz başyly habarynda, spordyň dag eňňit paraşýuty görnüşi bilen meşgullanýan serbiýaly Peter Lonharyň, bolgariýaly Weso Owçarowyň we çehiýaly Ondreý Proşazkanyň dünýäniň tanymal syýahatçylyk merkezleriniň biri bolan Kapadokýada howa balonlaryny ulanyp rekord goýandyklaryny okyjy köpçüliginiň dykgatyna ýetirýär. Gazet türgenleriň howa balonlary bilen 3 müň 500 metr beýiklige çykandyklaryny, balonlaryndan paraşýutlary bilen aşak bökendiklerini we 126 gezek towlanyp “Üç adamlyk tükeniksiz halka” ugrunda rekord goýandyklaryny habar berýär. Habarda Lonharyň: “Kapadokýada her gün 150 sany howa balony bilen 2 müň 500 adam asmana galýar. Biz hem olar bilen adymyzy taryha ýazdyrdyk. Kapadokýa dünýäde entegem jadyly zatlaryň bardygyny görkezýar” diýendigi ýazylýar.

Haber Türk” gazeti: “Golliwudyň ýyldyzlary Kapadokýada” söz başyly habarynda, Türkiýäniň tanymal syýahatçylyk merkezleriniň biri bolan Kapadokýa ‘The Mountains and The Stones’ atly Golliwud filminiň alynmagy üçin Hera Hilmaryň, Mişel Hýusmanyň, Joş Hartnettiň we Haluk Bilgineriň geljekdigini mälim edýär. Gazet filmiň mowzugynyň 1-nji Jahan urşy ýyllarynda amerikaly şepagat uýasy bilen türk serkerdesiniň arasyndaky söýgidigini nygtaýar. Habarda esasy rollarda oýnaýan Mişel Hýusmanyň özüni ‘Game of Thrones’ atly serial bilen tanadandygy, Hera Hilmaryň bolsa özüni ‘Anna Karenina’ we ‘Da Vinci’s Demons’ fimleri bilen tanadandygy bellenýär.

Sabah” gazeti: “Türk ussat skripkaçy rekord goýdy” söz başyly habarynda, Türkiýäniň ussat skrikaçysy Muhammet Ýyldyryryň tanymal rus kompozitory Korsakowyň ýazan skripka bilen çalyp bolýan iň kyn eserleriniň biri bolan “Ýabany arylaryň uçuşy” atly eserini 37,84 sekuntda ýerine ýetirip dünýä rekordyny goýandygyny habar berýär. Gazet Ýyldyryryň dünýäniň iň çalt ussat skripkaçy tituly bilen Ginnesiň rekordlar kitabyna girizilendigine ünsi çekýär.

Watan” gazeti: “Uçarmansyz howa ulagyndan halas ediji halka” söz başyly habarynda, Samsunda hususy kärhana tarapyndan taýarlanan kiçi uçarmansyz howa ulagynyň kömegi bilen gark boljak bolýan adamlara ýokardan halas ediji halka oklanyp halas edip boljakdygyny okyjy köpçüliginiň dykgatyna ýetirýär. Habarda howa ulagynyň içinde 3 sany halas ediji halka ýerleştirip bolýandygy bellenýär.


Etiketkalar:

Degişli Habarlar