Türk metbugatynyň gysgaça mazmuny 26.02.2015

“Sabah” gazeti “Günä geçişlik guramasy Erdogany tassyklady. BMG bähbitlere hyzmat edýär” söz başyly habarynda Halkara Günä geçişlik guramasynyň BMG-nyň Howpsyzlyk geňeşiniň Siriýa, Yrak, Palestina, Ysraýyl we Ukraina ýaly ýurtlardaky dartgynlygy ortadan aýyryp bilmändigine ünsi çekendigini ýazýar.

Gazet “Dünýädäki adam hukuklarynyň ýagdaýy” atly habarnamada BMG-nyň Howpsyzlyk geňeşiniň hemişelik 5 agzasy ABŞ-nyň, Russiýanyň, Hytaýyň, Britaniýanyň we Fransiýanyň öz syýasy bähbitlerini asuda ilatyň ýogalmagyndan ileri tutýandyklary nygtaldy.
Gazet Prezident R. T. Erdoganyň hem eden çykyşklarynda dünýäniň geljegine diňe 5 ýurduň karar bermeginiň ýalňyşdygyna ünsi çekýändigini ýatladýar.

“Star” gazeti “ YSYS-a ýarag alyp barýan 2 iňlis uçary urlup düşürildi” söz başyly habarynda YSYS terror guramasyna ýarag alyp barýan 2 iňlis uçarynyň Yrakda urlup düşürlendigini habar berýär.
Gazet Yragyň Parlamentiniň Milli howpyzlyk komitetiniň başlygy Hakem Al Zameliniň dünýäni geň galdyran wakany gürrüň berendigini ýazýar.
Gazet Zameliň “İki iňlis uçary Al Anbar sebitinde urlup düşürildi. Sebitiň ýaşaýjylary we esgerlerimiz uçarda Britaniýanyň baýdaklarynyň bardygyny tassyklady. Bu meselede Britaniýadan düşündiriş soraldy” diýen sözlerini okyjy köpçüliginiň dykgatyna ýetirýär.

“Habar Türk” gazeti “Siriýa terroryň laboratoriýasy ýagdaýyna geldi” söz başyly habarynda ÝB ministri Wolkan Bozkyryň “Başyndan bäri Siriýa harby taýdan operasiýa guralman halatynda ýagdaýyň agyrlaşjakdygy we sebitiň hem-de dünýäniň howsyzlygyna ýaramaz täsirini ýetirjekdigini aýdýarys. Şeýle hem boldy” diýen sözlerine ýer berýär.
Gazet minisrt Bozkyryň Siriýada degişli çäreler görülmändigi üçin Siriýanyn hökümeti bilen oppozisionerleriň arasyndaky dartgynlygyň Hizbullah, YSYS, Al Kaida ýaly terror guramalaryny hem öz içine alandygyna ünsi çekendigini belleýär.
Gazet ÝB ministri Wolkan Bozkyryň “Siriýa indi täze terror guramalarynyň, täze aksiýalaryny synagdan geçirýän laboratoriýasy ýagdaýyna geldi”diýen sözlerini ýatladýar.

“Watan” gazeti “Gowga möwjeýär” söz başyly habarynda Ysraýyň Premýer ministri Benýamin Netanýahunyň ABŞ bilen Eýranyň arasynda geçirilýän ýadro gepleşiklerinde ylalaşyk gazanylmagynyň öňüni aljak çykyşyna berk garşylyk görkezilýändigini ýazýar.
Gazet Ak Tamyň Netanýahunyň geljek hepde Amerikan kongresinde etjek çykyşynyň öňüsyrasynda Ysraýyly berk tankyt edendigini habar berýär.
Gazet ABŞ-nyň Prezidenti Barak Obamanyň Milli howpsyzlyk boýunça geňeşçisi Susan Raýsyň Netanýahunyň sişenbe güni kongresde etjek çykyşynyň Amerika bilen Ysraýylyň arasynda gatnaşyklara zeper ýetirjekdigi barada duýduryş berendigini nygtaýar.

“Ýeni Şafak” gazeti “Rowaýatlar bir ýerde” söz başyly habarynda Stambulyň dürli medeniýetleriniň we ynançlarynyň galyndylary baradaky 400 rowaýatyň kitap ýagdaýyna getirlendigini ýazýar.
Gazet Stambulyň şäher häkimligi tarapyndan taýarlanan “Stambulyň Rowaýatlary” atly kitapda Wizantiýadan-Osmanla, Osmanlydan Türkiýe Respublikasyna çenli uzap gidýän etapda şäheriň mifalogik gahrymanlary, metjitleri, ybadathanalary, köşkleri, çeşmeleri baradaky rowaýatlara ýer berlendigini nygtaýar.
Gazet kitabyň ilkinji gezek fewral aýynyň 27-i bilen mart aýynyň 8-i aralygynda geçiriljek CNR kitap sergisinde okyjylaryna hödürlenjekdigini ýatladýar.