Türk metbugatynyň gysgaça mazmuny 29.09.2014
Dünýäniň we ýurduň gün tertibiniň ileri tutulýan ugurlary bilen bagly habarlar gündelik gazetlerde giň seslenme döredýär
“Ýeni Şafak” gazeti “İne Türkiýäniň täze logotipi we şygary” söz başyly habarynda, Prezident R.T.Erdoganyň Stambulda Türkiýäniň Eksportçylar mejlisiniň “Türkiýe markasynyň” tanyşdyrlyş maslahatynda eden çykyşynda “Şu günden başlap indi harytlarymyzyn üstünde “made in Turkeý-iň” ýerine täze logotipiň we “Potensialy aç” şygary bolar” diýen sözlerini okyjy köpçüliginiň dykgatyna ýetirýär.
“Star” gazeti “İtaliýanyň “Kosta” firmasy Stambuly merkez edindi” söz başyly habarynda, dünýäniň iň uly we tejribeli syýahatçylyk firmalaryndan biri bolan, ýylda 2 million syýahatçyny gatnadýan İtaliýanyň “Kosta” firmasynyň Stambuly esasy merkez hökmünde saýlap alandygyny ýazýar. Gazet firmanyň Ysraýylyň Haýfa şäherine guraýan saparlaryny bes edendigini, 4 sany kruiz gämisiniň Haýfanyň ýerine Stambula saparlar gurajakdygyny mälim edýär.
“Milliýet” gazeti “Russiýanyň embargosy öndürijini umytlandyrdy” söz başyly habarynda Russiýanyň ekerançylyk önümlerinde Ýewropa ýurtlaryna embargo ýogmagy sebäpli antaliýaly öndürijileriň umytlanandygyna ünskeri çekýär. Welaýatda uly mukdarda tikenli hyýar, pomidor we nar öndürýän daýhanlar, Russiýadan bildirilýän islegleri kanagatlandyrmak üçin işe girişdi. Gazet daýhanlaryň 15-nji oktýabrda Russiýa eksport etmäge başlajakdygyny ýazýar.
“Sabah” gazeti “ägirt ýat” Stambuly çekdi” söz başyly habarynda, dik uçar bilen şäherleriň üstünde eden gezelenjinden soň ýadyna bellän panoramasyny kagyza çekýän “ägirt ýat” ady bilen tanalýan iňlis sungat ussady Stepen Wiltşiriň Stambulyň suratyny çekendigini mälim edýär. Habarda 5 günde 165 müň adam tarapyndan görülen suratyň, Stambulyň welaýat häkimligine sowat edilendigi nygtalýar.
“Hürriýet” gazeti “UEFA Jüneýt Çakyry çagyrdy” söz başyly habarynda, FİFA-nyň kokartyna eýe bolan Jüneýt Çakyryň Ukrainanyň Şahtýor Donetsk komandasy bilen Portugaliýanyň Prto komandalarynyň arasynda oýnaljak UEFA-nyň Çempionlar ligasynyň H toparynyň ikinji bäsleşigini gönükdirjekdigini aýan edýär. UEFA-nyň internet saýtyndan alynan maglumata görä 30-nji sentýabr sişenbe güni Ukrainanyň Lwow şäherinde oýnaljak bäsleşikde Jünetr Çakyra Bahattin Duranyň we Taryk Ongunyn kömekçi boljakdygy mälim edýär.
