Türk metbugatynyň gysgaça mazmuny 08.09.2014

“Ýeni Şafak” gazeti “Nýu-Ýorkda Gaza Festiwaly” söz başyly habarynda, ABŞ-nyň Nýu-Ýork şäherinde Ysraýylyň Gaza guran hüjümleri we palestinalylaryň çeken kynçylyklary baradaky filmleriň gatnaşmagynda Gaza film festiwalynyn geçirlendigini ýazýar. Gazet festiwalyň birinji gününde “Gazanyň Göz ýaşlary” we “Uçan kagyz” atly fimleriň görkezilendigini mälim edýär.
“Ýeni Şafak” gazeti “Rasist basyşa çydap bilmedi” söz başyly habarynda, İtaliýanyň ilkinji çadyraly musulman etrap mejlisiniň agzasy, asly marokkoly Aiça Mesraryň özüne edilen abaý-syýasatlar sebäpli wezipesinden çekilendigini nygtaýar. Gazet çagalaryna howp astyndadygyny aýdan Mesraryň, 23 ýyldan bäri ýaşaý ýurdundan göçmäge taýarlandygynyny mälim edýär.
“Watan” gazeti “Uly firmalar Gebzede ornaşarlar” söz başyly habarynda, dünýäniň belli maglumat meýilleşdiriş firmasy “Oraklyň”, tehnologiýanyň ägirtlerinden “Samsungyň” we “Siemensiň” Ylmy-barlag we kämilleşdiriş işleri üçin Türkiýäni saýlap alandyklaryny okyjy köpçüliginiň dykgatyna ýetirýär. Gazet dünýä belli kompaniýalaryň Türkiýäniň Gegze welaýatynda 3 million inedördül metr meýdana guruljak Maglumatlar jülgesinde ýerleşjekdiklerini habar berýär. Habarda 2015-nji ýylyň ahyrynda açyljak Türkiýäniň Slikon jülgesinde geljegiň döwrebap tehnologiýalarynyň öndüriljekdigine üns çekilýär.
“Star” gazetiniň ykdysadyýet sahypasynda “Howa menzillerine 8 aýda 110 million ýolagçy geldi” söz başyly habarynda, Döwlet howa menzilleri kärhanasynyň görkezijilerine laýyklykda Türkiýedäki howa menzillerine awgust atynda gelen ýolagçy sanynyň 19 million adam, 8 aýlyk döwürde jemi ýolagçy sanynyň bolsa 110 million adamdan geçendigini mälim edýär. Gazet uçar gatnawynyň bolsa geçen ýylyň awgust aýyna görä içerki gatnawda 10,8 göterim ýokarlap 74 müňe, daşarky gatnawlaryň bolsa 9 göterim ýokarlap 69 müňe ýetendigini ýazýar.
“Milliýet” gazeti “İnternediň ulanylyşy dünýädäkiden ýokarda” söz başyly habarynda Türkiýäniň internet ulanmakda dünýädäki ortaça mukdardan ýokardadygyna ünsleri çekýär. Gazet ýokary amatlykly telefon ulanyşynyň hem dünýädäkiden ýokardadygyny we ýokary amatlykly telefony köp ulanýan ýurtlaryň sanawynda 50 ýurduň hatarynda orun alýandygyny nygtaýar.
“Ýeni Şafak” gazeti “Görogly ÝUNESKO-nyň mirasyna degişli ediler” söz başyly habarynda, Türkiýäniň Bolu welaýatynyň UNESKO-nyň Medeni miras sanawyna degişli edilmegini üpjün etjek festiwal üçin taýarlyk görýändigini mälim edýär. Gazet türk dünýäsinden ýüzlerçe adamyň gatnaşmagyndaky festiwalyň üstümizdäki aýyň 26-28-i aralygynda geçiriljekdigini okyjy köpçüliginiň dykgatyna ýetirýär.
“Akşam” gazeti “ Türk basketbol topary çärýek finalda” söz başyly habarynda, türk basketbolçylarynyň uly üstünlik gazanandyklaryna ünsleri çekýär. Gazet FİBA-nyň Bütindünýä kubogynyň 2-nji tapgyr oýunlarynda Türk milli ýygyndy basketbol komandasynyň Awstraliýany oýunyň gutarmagyna 5 sekunt galanda ýeňip, çärýek finala çykmagyň hötdesinden gelendigini ýazýar.