Gazagystanyň Prezidenti, Russiýa-Ukraina Dartgynlygy Sebäpli Çäre Görülmegi Üçin Görkezme Berdi

Gazagystanyň Prezidenti Kasym-Žomart Tokaýew, Russiýa-Ukraina dartgynlygynyň möwjemegi sebäpli ýurtdaky ähli harby we raýat desgalarynyň howpsuzlygynyň üpjün edilmegi üçin gyssagly çäre görülmegi boýunça degişli edaralara görkezme berdi.

Prezidentiň metbugat sekretary Berik Uali, Fajebookdan beren habarnamasynda, Prezident Tokaýewiň,  Russiýa-Ukraina dartgynlygynyň möwjemegi sebäpli, Premýer-ministrlige, howpsuzlyk güýçlerine we ýerli häkimliklere, harby we raýat desgalarynyň howpsuzlygynyň üpjün edilmegi üçin gyssagly çäre görülmegi boýunça görkezme berendigini mälim etdi.

Görlen çäreler hakynda parlamentdäki ähli komissiýalaryň ýolbaşçylaryna maglumat berlendigini aýdan Uali, Prezident Tokaýewiň ýurtdaky ýagdaýy gözegçilik astyna alandygyny ýatlatdy.

Uali, “Gazagystan, iki slawýan halkyň Russiýa bilen Ukrainanyň arasyndaky söweşiň gepleşik arkaly  bes edilmegine goldaw berýär” diýdi.