Ilham Aliýew Bilal Erdogany kabul etdi
Azerbaýjanyň prezidenti Ilham Aliýew sapar bilen Baku şäherine baran Bütindünýä etnosport konfederasiýasynyň başlygy Bilal Erdogany kabul etdi
Azerbaýjanyň prezident diwanyndan berilen beýanata görä, Bilal Erdogan prezident Rejep Taýýip Erdoganyň salamyny ýetirdi, Aliýew hem minnetdarlyk bildirip prezident Erdogana salamyny ýetirmegi barada haýyş etdi.
Bütindünýä etnosport konfederasiýasynyň işleri barada öwgüli sözler aýdan Ilham Aliýew, üstünlikleri mynasybetli Bilal Erdogany gutlady.
Ilham Aliýew Azerbaýjanyň Bütindünýä etnosport konfederasiýasynda işjeň ýagdaýda wekilçilik edilendigini, duşuşyklara azerbaýjanly türgenleriň hem gatnaşýandygyny habar berdi.
Duşuşykda Azerbaýjan bilen Türkiyäniň hemişe birek-birege goldaw berýändigi, iki ýurduň arasyndaky doganlyk, dostluk we strategiki ýaranlyk gatnaşyklary ýene-de bir gezek nygtaldy.
Degişli Habarlar
Gazagystan Çarwa Oýunlaryna Ýer Eýeçiligini Eder
Çarwa oýunlaryna 90-a golaý ýurtdan 2 müňden gowrak türgen gatnaşar.
“Russiýa Bilen Ukrainanyň Arasynda Töwellaçy Bolup Bileris”
Ilham Aliýew "Eger islenen halatynda biz iki ýurduň arasynda töwellaçy bolmaga taýar” diýdi.
