Azerbaýjan BRICS-e Agza Bolmak Üçin Ýüz Tutdy

Azerbaýjanyň Daşary işler ministriniň metbugat sekretary Aýhan Hajyzade, ýurdunyň BRICS-e agza bolmak üçin resmi taýdan ýüz tutandygyny aýtdy.

Hajyzade beren beýannamasynda, “Azerbaýjan BRICS-e agza bolmak üçin resmi taýdan ýüz tutdy” diýdi.

Gazagystanyň paýtagty Astanada iýul aýynyň 3-4-i aralygynda geçirlen Şanhaý hyzmatdaşlyk guramasynyň liderler sammitiniň çäginde Azerbaýjan bilen Hytaýyň arasynda Strategik hyzmatdaşlyk jarnamasyna gol çekişilipdi.

Jarnamada, Azerbaýjanyň gurama agza bolmak isleýändigi nygtalypdy we Hytaýyň hem Azerbaýjanyň agzalygyna oňyn garaýandygy bellenilipdi.

Russiýanyň döwlet Ýolbaşçysy Wladimir Putin hem awgust aýynyň 18-19-y aralygynda Azerbaýjana guran resmi saparynyň çäginde, Russiýanyň Azerbaýjanyň BRICS-e agzalygyna oňyn garaýandygyny mälim edipdi.

2006-njy ýylyň iýun aýynda San Peterburg şäherinde geçirlen Halkara ykdysadyýet forumynyň çäginde Braziliýanyň, Russiýanyň, Hindistanyň we Hytaýyň gatnaşmagynda döredilen guramanyň şu günki günde 40-dan gowrak agzasy bar.