Azerbaýjan Fransiýa Protest Notasyny Berdi
Fransiýanyň Azerbaýjandaky geňeşçi Ilçisi Žulien Le Lan Azerbaýjanyň Daşary işler ministrligine çagyrylyp, protest notasy berildi.
Azerbaýjanyň Daşary işler ministrliginden berilen beýannamada Fransiýanyň Azerbaýjandaky geňeşçi Ilçisi Žulien Le Lanyň ministrlige çagyrylandygy mälim edildi.
Fransiýanyň Senatynyň Azerbaýjana garşy sanksiýa kararyny kabul etmeği sebäpli protest notasynyň berilendigi habar berildi.
Duşuşykda Fransiýanyň Senatynyň kabul eden kararynyň hakykata bap gelmeýän, esassyz we töhmet häsýetli hökümleriniň bardygy we Azerbaýjan tarapyndan berk ýazgarylýandygy beýan edildi.
Kararyň aç-açan meçew bermeden ybaratdygy, parahatçylyk tapgyryna goşant goşýandygyny öňe sürýän Fransiýanyň Ermenistanyň tarapynda durýandygy we bir taraply tutumyny ýene-de bir gezek orta goýandygy bellenilýär.
Fransiýanyň şol başlangyjynyn sebitde parahatçylygyň ýola goýulmagyna, esasanda Azerbaýjanyň egilşiksiz beýan edýän Azerbaýjan bilen Ermenistanyň arasyndaki gatnaşyklaryň birek-biregiň özygtyýarlylygyny, territorial bitewiligini ykrar etmek we oňa sarpa goýmagyň esasynda gatnaşyklaryň kadalaşmagyna uly zarba urmagy maksat edinýändigi hem-de sebitde parahatçylyga garşy durýan güýçleri höweslendirýändigi nygtalýar.
Şol kararyn halkara hukuk normalaryny we kadalaryny gödek bozmagyň ýany bilen Azerbaýjan bilen Fransiýanyň arasynda 1993-nji ýylda gol çekişilen Dostluk, Özara Düşünişmek we Hyzmatdaşlyk Etmek hakyndaky şertnamanyň 2-nji maddasynyň 3-nji bendindäki borçlara dolulygyna garşy bolandygy nygtalýar.
Duşuşykda Azerbaýjan tarapynyň Fransiýadan Azerbaýjanyň özygtyýarlylygyna we territorial bitewiligine garşy aksiýalardan we beýanatlardan çetde durmagyny egilşiksiz talap edendigi habar berildi.
