TÜRKSOÝ-yň Baş Sekretary Wezipesine Girişdi
Türk medeniýetiniň halkara dolanşygynyň baş Sekretarlygyna saýlanan Sultan Raýew paýtagt Ankarada guralan dabara bilen wezipäni Düsen Kaseinowdan kabul edip aldy.
Dabara Daşary işler ministri Mewlüt Çawuşogly, Medeniýet we syýahatçylyk ministri Mehmet Nuri Ersoý, ilçiler we resmi adamlar gatnaşdylar.
Düsen Kaseinow wezipäni tabşyrmazdan ozal sözlän sözünde 31-nji martda geçirilen TÜRKSOÝ-yn geňeşinde kabul edilen karara laýyklykda 14 ýyl ozal buýsanç bilen girişen wezipesini Raýewe gowşurjakdygyny beýan etdi.
TÜRKSOÝ-da işlän her bir gününde özüni öýünde ýaly duýandygyny aýdan Kaseinow; “Türk dünýasiniň çar tarapyndan gelip, meniň bilen işleşen ähli ýoldaşlarymyň şeýle duýgulary bölüşýändigini pikir edýärin. Biz, geçen ýyllarda ajaýyp adamlar bilen tanyş bolduk, dostlaşdyk, deňi-taýy bolmadyk medeni köprüleri gurduk, umumy medeniýetimizi dünýäniň tarapynda tanadyp, başymyza täç edindik, gam-gussamyzy, şatlygymyzy bölüşdik. Men buýsanç we umyt bilen wezipäni tabşyrýaryn” diýdi.
TÜRKSOÝ-yň baş Sekretarlygy wezipesine girişen Sultan Raýew bolsa; “Jebisligimiz dünýä medeniýetiniň ösüşine hem möhüm goşant goşdy. Geçen döwürde TÜRKSOÝ medeni ugurdaky jebisligimiziň markasyna öwrülip, bütin dünýäde abraý gazandy” diýdi.
Daşary işler ministri Çawuşogly hem TÜRKSOÝ-yn türk dünýasini birek-birege ýaňadandan birikdirendigini ngytap; “Doganlyk gatnaşyklarymyzy, gadymy medeniýetimizi gelejek nesillere ýetirýär. türk medeniýetini bütin dünýä tanyşdyrýar” diýdi.
