Aksakgallar Geňeşiniň Başlygy Binali Ýyldyrym Bişkekde Saparda Bolýar

Türk Döwletleri Guramasynyň Aksakgallar geňeşiniň başlygy Binali Ýyldyrym Gyrgyzystanyň paýtagty Bişkekde saparda bolýar.

Binali Ýyldyrym resmi saparynyň çäginde Gyrgyzystanyň Ykdysadyýet we söwda ministri Daniýar Amangeldiýew we Ulaglar ministri Erkinbek Osoýew bilen duşuşdy.

Ýyldyrym duşuşykda, Stambulda geçirlen Türk geňeşiniň 8-nji maslahatynda, guramanyň adynyň Türk Döwletleri guramasy hökmünde üýtgändigini we täze maksatlaryň kesgitlenendigini belledi.

Gyrgyzystanyň Ykdysadyýet we söwda ministri Daniýar Amangeldiýew duşuşykda, TDG-na agza ýurtlar bilen ýakyndan hyzmatdaşlyk edýändiklerini we bilelikdäki söwda mukdarynyň artdyrylmagy üçin tagalla eýändiklerini belledi.

Amangeldiýew, TDG-nyň çäginde Türk Maýa Goýum gaznasynyň açylmagynyň ähmiýetine ünsi çekdi.

Türk Döwletleri Guramasynyň Aksakgallar geňeşiniň başlygy Binali Ýyldyrymyň saparynyň çäginde Gyrgyzystan-Türkiýe Manas uniwersitetine barmagyna, Prezident Sadyr Japarow we Mejlisiň başlygy Talant Mamitow bilen duşuşmagyna garaşylýar.