THÝ-nyň Gazagystandaky işgärleri Türkiýä getirildi

Gazagystandaky hadysalar sebäpli uçar saparlarynyň togtadylan ýurdyň paýtagty Nur-Soltan şäherinde galan Türk howa ýollary kärhanasynyň 2 kapitan uçarmany bilen 4 bortprowodnik işgär, Dubaýyň üsti bilen Türkiýe getirildiler. 

Nur-Soltan şäherinde galan 6 işgäriň getirilmegi üçin THÝ kärhanasynyň Dolanşyk geňeşiniň başlygy we Ýerine ýetirijiler komitediniň başlygy Ilker Aýjynyň görkezmesine laýyklykda işe girişildi. 

THÝ kärhanasynda işleýän 6 adam, düýn gije başga bir howa ýollary kärhanasyna degişli uçar bilen Nur-Soltan şäherinden Dubaý şäherine alynyp gidildiler. 

Işgärler Dubaýdaky howa menzilinden ýerli wagt bilen sagat 02:40-da ýola çykan THÝ-na degişli uçar bilen şu gün irden Stambula geldiler. 

Almaty şäherinde galan THÝ kärhanasynyň işgärleriniň hem Türkiýä getirilmekleri üçin gepleşikleriň dowam edýändigi habar berildi.