Türkiýe Bilen Gyrygyzystan Diplomatik Gatnaşyklaryň Ýola Goýulmagynyň 30 Ýyllygyny Belläp Geçýär

Prezident R. T. Erdogan bilen Gyrgyzystanyň Prezidenti Sadyr Japarow, iki ýurduň arasynda diplomatik gatnaşyklaryň ýola goýulmagynyň 30 ýyllygy mynasibetli beýannama berdi.

Iki lideriň beren bilelikdäki beýannamasynda, 30 ýyl ozal şu gün Gyrgyzystanyň garaşsyzlygyny ilkinjileriň hatarynda Türkiýäniň ykrar edendigi we şu gün iki ýurduň arasynda diplomatik gatnaşyklaryň ýola goýulmagynyň 30 ýyllygynyň bellenilip geçilýändigi nygtaldy.

Beýannamada, geçen 30 ýylda iki ýurduň arasyndaky taryhy, medeni we doganlyk gatnaşyklarynyň ähli taraplaýyn durnukly ýagdaýda ösendigi nygtaldy.

Bilelikdäki beýannamada 2011-nji ýylyň 26-njy aprelinde iki ýurduň arasynda Ýokary derejeli strategik hyzmatdaşlyk geňeşiniň döredilmegi bilen ýokary derejeli syýasy dialogyň has-da güýçlenendigi, ykdysady hyzmatdaşlygyň artandygy, giň gerimli gatnaşyklaryň ähli taraplaýyn pugtalanandygy bellenildi.

Yzygiderli ýagdaýda guralýan ýokary derejeli saparlaryň iki ýurduň arasyndaky gatnaşyklaryň has-da pugtalanmagyna itergi berýändigi nygtaldy.

Beýannamada, Türkiýe bilen Gyrgyzystanyň, halkara we sebitara meselelerde ýakyndan hyzmatdaşlyk edýändigi, iki ýurduň terrora garşy berk tutum alyp barýandygy we terrorçylykly hüjümleri ýazgarýandygy ýatladyldy.

Prezident Erdogan bilen Gyrgyzystanyň Prezidenti Japarow beren bilelikdäki beýannamasynda, Türkiýe bilen Gyrgyzystanyň, Türk döwletleri guramasynyň rolynyň we täsiriniň has-da güýçlendirilmegi maksady bilen birlikde işleşmäge dowam etjekdigine ünsi çekdi.