Gazagystanda Kowid-19-a ýolugýan adamlaryň sany rekord derejä ýetdi
Şäherdäki söwda merkezleri bilen kafeleriň we restoranlaryň iş sagatlary çäklendirildi
Gazagystanda soňky 24 sagatda ýene-de 3 müň 3 adamyň koronawirusa ýoludagndygy anyklanmagy bilen epidemiýanyň başlangyjyndan bäri iň ýokary görkezijili gündelik waka hökmünde hasaba alyndy.
Ýurdyň Saglygy goraýyş ministrliginden berilen beýanata görä, soňky 24 sagatda 3 müň 3 adamda Kowid-19 hasaba alyndy. Şeýlelik bilen epidemiýanyň başlangyjyndan bäri iň ýokary görkezijili gündelik waka hasaba alynan ýurtda wirusa ýoluganlaryň sany jemi 433 müň 931 adama ýetdi.
Kowid-19 epidemiýasynda ýogalanlaryň sany soňky 24 sagatda 26 adamlyk artyş bilen jemi 4 müň 444 adama ýetdi.
21-nji iýunda Kowid-19-yň delta görnüşiniň ýurtda ilkinji gezek paýtagt Nur Soltan şäherinde hasaba alynmagy bilen karantin düzgünleri ýygjamlaşdyryldy.
Esasan hem hyzmatlar pudagynda sanjym bolmadyk adamlaryň iş sagatlary azaldyldy. Hiç hili saglyk meselesi bolmadan sanjym etdirmegi ret eden pudagyň işgärlerinden bolsa her 7 günde 1 gezek PCR testini görkezmekleri mejbur ýagdaýa getirildi.
Şäherdäki söwda merkezleri bilen kafeleriň we restoranlaryň iş sagatlary çäklendirildi.
Degişli Habarlar
Türkiye bilen Azerbaýjan Harby Türgenleşik Geçirdi
Türkiýe bilen Azerbaýjanyň arasynda suwasty hüjüm türgenleşiginiň geçirlendigi nygtaldy.
