Mewlüt Çawuşogly Türk Geňeşiniň Baş sekretary bilen duşuşyk geçirdi
Türk Geňeşi 2009-njy ýylda Azerbaýjan, Gazagystan, Gyrgyzystan we Türkiýe tarapyndan baglaşylan Nahiçewan ylalaşygy bilen döredildi
Türkiýäniň Daşary işler ministri Mewlüt Çawuşogly Türki dilli döwletleriň hyzmatdaşlyk geňeşiniň (Türk Geňeşi) Baş sekretary Bagdad Amreýew bilen duşuşyk geçirdi.
Daşary işler ministri Mewlüt Çawuşogly Twitter hasabyndan beren beýanatynda, Türk Geňeşiniň Baş sekretary Bagdad Amreýew we Geňeşiň Baş sekretarynyň orunbasary Ömer Kojaman bilen duşuşyk geçirendigini habar berdi.
Mewlüt Çawuşogly beýanatynda: "Türk Dünýäsi maksatnamasy 2040, Türk Geňeşi strategiýasy 2020-2025 meselelerini ara alyp maslahatlaşdyk. Nobatdaky resmi maslahata ýer eýeçiligini ederis. Goldawymyz dowam eder" diýip mälim etdi.
Türk Geňeşi 2009-njy ýylda Azerbaýjan, Gazagystan, Gyrgyzystan we Türkiýe tarapyndan baglaşylan Nahiçewan ylalaşygy bilen döredildi.
Baş merkezi Stambul şäherinde bolan Geňeş, Türki dilli döwletleriň arasynda bilimden söwda gatnaşyklaryna çenli ençeme ugur boýunça hyzmatdaşlygy ösdürmegi maksat edinýär.
Degişli Habarlar
Gazagystanda Sil Apaty Sebäpli 5 Adam Ýogaldy
Abaý welaýatynda ýiten 2 adamyň tapylmagy üçin gözleg işleri dowam edýär.
