Prezident Erdogan DKTR-nyň Premýer ministrini kabul etdi
Türkiýäniň Prezidenti Rejep Taýýip Erdogan DKTR-nyň Premýer ministri Ersin Tatary kabul etdi
Paýtagt Ankara şäherindäki duşuşyga Wise-prezident Fuat Oktaý hem gatnaşdy.
Beýleki tarapdan Erdogan "DKTR-ni Suw bilen üpjün etmek taslamasynyň turba liniýasynyň abatlaýyş işlerinden soň suw ugradylmaga başlanmagy bilen bagly dabarada" wideo aragatnaşyk arkaly eden çykyşynda: "Biz üçin Gündogar Ortaýer deňiz meselesiniň 2 ugry bardyr. Birinjisi Türkiýäniň kontinental şelfindäki hukuklarynyň goralmagy, ikinjisi bolsa Kiprdäki türk halkynyň adanyň töweregindäki tebigy baýlyklar bilen baglanşykly hak we bähbitleriniň kepillik astyna alynmagydyr" diýip belledi.
Erdogan: "Geçirilen soňky ÝB maslahatynda Kiprdäki türk halkyna äsgermezçilik edlýändigine şaýat boldyk. Türkiýe bu adalatsyzlygyň dowam etmegine rugsat bermez" diýdi.
Prezident Erdogan: "Öňümizdäki döwürde geçirilmegi meýilleşdirilýän Gündogar Ortaýer deňiz konferensiýasynda Kiprdäki türkler hökmany ýagdaýda hak edişleri ýaly wekilçilik edilmelidir" diýip belledi.
Erdogan, Türkiýäniň DKTR-ny syýasy we ykdysady ýagdaýda global ulgamyň deňhukukly we hormatly bir agzasy bolýança çenli tagallalaryny dowam etdirmekde tutanýerlidiklerini habar berdi.
DKTR-nyň Premýer ministri Ersin Tatar hem dabarada eden çykyşynda, penşenbe güni irden Ýapyk Maraş sebitiniň kenarynyň ulanmaga başlanjakdygyny mälim etdi.
Degişli Habarlar
Gazagystanda Sil Apaty Sebäpli 5 Adam Ýogaldy
Abaý welaýatynda ýiten 2 adamyň tapylmagy üçin gözleg işleri dowam edýär.