Azerbaýjanda Türk Geňeşiniň Daşary işler ministrleriniň nobatdan daşary maslahaty başlady
Azerbaýjanyň paýtagty Baku şäherinde Türki Dilli Döwletleriň Hyzmatdaşlyk Geňeşiniň (Türk Geňeşi) Daşary işler ministrleriniň nobatdan daşary maslahaty başlady
Maslahata Türkiýäniň Daşary işler ministri Mewlüt Çawuşogly, Azerbaýjanyň Daşary işler ministri Elmar Memmedýarow, Gyrgyzystanyň Daşary işler ministri Çingiz Aýdarbekow, Gazagystanyň Daşary işler ministri Muhtar Tleuberdi, Özbegistanyň Daşary işler ministri Abdulaziz Kamilow we Türk Geňeşiniň baş sekretary Bagdad Amreýew gatnaşdy.
Azerbaýjanyň Daşary işler ministri Elmar Memmedýarow, maslahatyň başynda eden çykyşynda, Türk Geňeşiniň halkara guramalar bilen hyzmatdaşlygyny güýçlendirmegi, Türk Akademiýasynyň we Türk Geňeşiniň Wenegriýanyň paýtagty Budapeşt şäherindäki ofisiniň işleriniň giňeldilmegi ýaly meseleleri maslahatlaşjakdyklaryny beýan etdi. Maslahat metbugat işgärlerine ýapyk häsýetde dowam etdi.
Türkiýäniň Daşary işler ministri Mewlüt Çawuşogly, Baku guran saparynyň çäginde Azerbaýjanyň Daşary işler ministri Elmar Memmedýarow, Gyrgyzystanyň Daşary işler ministri Çingiz Aýdarbekow we Türk Geňeşiniň Baş sekretary Bagdad Amreýew bilen ikiçäk duşuşyklar geçirdi.