Türkiýe Gazagystana duýgudaşlyk bildirdi

Daşary işler ministrliginden berilen ýazmaça beýannamada Almaty-Nur-Sultan gatnawyny amala aşyrmak üçin uçan ýolagçy uçarynyň gysga möhlet soň ýere gaçmagy netijesinde uçarda we uçaryň gaçan ýerinde pida bolanlaryň we ýaralananlaryň bolmagy uly gynanç döredendigi bellenilýär.

Beýannamada: “Bu pajygaly heläkçilik sebäpli dost we dogan gazak galkynyň gynanjyny bölüşýäris, pida bolanlara alladan rehnet, hossalaryna duýgudaşlyk bildirip, sabyr dileýäris, ýaralananlara gyssagly şypa dileýäris” diýilýär.

Gazagystanyň Saglygy goraýyş ministrliginden berilen beýannamada heläkçilikde 12 adam pida bolandygy we 53 adamyň ýaralanandygy habar berilipdi.

Gazagystanyň Premýer ministriniň orunbasary Roman Sklýar heläkçiligiň “uçarmanyň ýalňyşlygy” ýa-da “tehniki näsazlyk” bolandygyny çaklaýandyklaryny aýtdy.

Gazagystanyň Adatdan daşary ýagdaýlar ministrligi şu gün irden Almaty şäherinde “Fokker 100” kysymly ýolagçy uçarynyň uçandan gysga wagt soň ýaşaýyş jaýlarynyň ýerleşýän ýerine gaçandygyny, uçarda 93 ýolagçy bilen 5 ekipažyň bardygyny beýan edipdi.