Gazagystan Özbegistanyň Türk Geňeşine agza bolmak bilen bagly kararyny makullady
Gazagystan Özbegistanyň Türki dilli ýurtlaryň Hyzmatdaşlyk geňeşine (Türk Geňeşi) agza bolmagyny uly hoşallyk bilen makullaýandygyny belledi
Gazagystanyň Daşary işler ministrligi tarapyndan berilen ýazmaça beýanatda, Özbegistanyň Türk Geňeşine agza bolmagyny uly hoşallyk bilen maklullaýandyklary aýan edilip, Türk Dünýäsi üçin möhüm bolan bu kararyň Nahçywan ylalaşygynyň 10-njy ýylyna gabat gelýändigi ýatladyldy.
Beýanatda bu agzalygyň hem Türk Dünýäsiniň integrasiýasyny hem-de Geňeşe agza ýurtlaryň ykdysady hyzmatdaşlyklaryny güýçlendirjekdigi mälim edildi.
Özbegistanyň Prezidenti Şewket Mirziýoýew, geçen hepde mesele bilen bagly kararnama gol çekipdi.
Özbegistanyň Türk Geňeşine agzalygynyň 15-nji oktýabrda Türk Geňeşine agza ýurtlaryň Prezidentleri tarapyndan tassyklanmagyna garaşylýar.
Türk Geňeşi, 2009-njy ýylyň 3-nji oktýabrynda Gazagystan Respublikasynyň esaslandyryjysy Nursoltan Nazarbaýewyň başlangyjy bilen döredilipdi.
