ABŞ-nyň Merkezi güýçleriniň serkerdesi Žosef Wotel Özbegistanda saparda bolýar

Ertir Daşkentde geçiriljek Merkezi we Günorta Aziýa ýurtlarynyň Baş ştablarynyň başlyklarynyň derejesindäki maslahata gatnaşmak üçin Özbegistana baran Wotel, Prezident Mirziýoýew tarapyndan kabul edildi.

Mirziýoýew duşuşykda geçen ýyl geçirilen Özbegistan-ABŞ ýokary derejeli duşuşyklaryň iki ýurduň arasyndaky giňgerimli strategik hyzmatdaşlygyň täze tapgyryny başladandygyny, SENTKOM tarapyndan guralan Merkezi we Günorta Aziýa ýurtlarynyň Baş ştablarynyň başlyklarynyň maslahatynyň bar bolan esasy meselelerden biri bolan Owganystan meselesine çözgüt tapmak üçin pursat bolup durýandygyny aýtdy.

Wotel Özbegistan bilen ABŞ-nyň arasyndaky harby, tehniki we howpsyzlyk ugurlaryndaky hyzmatdaşlyk barada pikir alyşylan duşuşykda, maslahatyň Daşkentde geçirilmegine beren hemaýaty üçin Mirziýoýewe sagbolsun aýtdy. Wotel maslahatda Merkezi Aziýada parahatçylygyň we durnuklylygyň üpjün edilmegi ugrundaky netijeli hyzmatdaşlygyň ösdürilmegi babatdaky strategiýanyň güýçlenjekdigini ynanýandygyny nygtady.

Wotel saparynyň çäginde Özbegistanyň Goranmak minğistri Bahadyr Kurbanow bilen hem duşuşdy.