Pariž Azerbaýjan-Ermenistan maslahatyna ýer eýeçiligini etdi
Olland, Azerbaýjanyň Prezidenti İlham Aliýew we Ermenistanyň Prezidenti Serž Sarkisýan bilen agşam naharynda duşuşdy
Azerbaýjan-Ermenistan maslahaty Parižde geçirildi.
Fransiýanyň paýtagty Pariž Azerbaýjan-Ermenistan maslahatyna ýer eýeçiligini etdi.
Maslahatda Daglyk Garabag meselesine garaldy.
Fransiýanyň Prezidenti Fransua Olland, Azerbaýjanyň Prezidenti İlham Aliýew we Ermenistanyň Prezidenti Serž Sarkisýan bilen Elise köşgünde agşam naharynda duşuşdy.
Naharda soň Fransiýa tarapyndan berlen beýanatda Pariž maslahaty bilen Ermenistanyň we Azerbaýjanyň Prezidentleriniň arasynda göniden gepleşigiň ýaňadandan başlandygy nygtaldy.
Beýanatda Ollandyň taraplardan halkara hukuk kadalaryna laýyklykda Daglyk Garabag meselesiniň çözülmegi üçin tagalla etmeklerini isländigi we iki tarapa hem dartgynlygyň gowşamagy barada çagyryş berendigi bellenildi.
Ollandyň taraplara tapawutlylygyň hötdesinden gelip parahatçylyk meselesinde giň gerimli şertnamanyň taýarlanmagyny teklip edendigi ýatladyldy.
Maslahatda Ermenistanyň we Azerbaýjanyň Prezidentleriniň 2015-nji ýylyň sentýabr aýynda BMG-nyň Baş Assambleýasynda täze maslahat geçirmek we gepleşikleri dowam etdirmek barada ylalaşyk gazanandygy nygtaldy.
