Ferdi Taýfur aradan çykdy
Arabesk aýdym-sazynyň ussatlaryndan biri bolan Ferdi Taýfur Antalýada bejergi alýan hassahanasynda aradan çykdy
Habary eşiden muşdaklary meşhur sungat işgärini soňky ýolagçylygyna ugratmak üçin hassahananyň öňünde ýygnandylar.
79 ýaşynda aradan çykan Ferdi Taýfur, Stambula ugradylar we ertir geçiriljek çäreden soň jaýlanar.
Sungat işgäri soňky ýyllarda saglyk bilen bagly kynçylyklary başyndan geçirýärdi.
Ozal Antalýada beýnisiniň damaryna stent goýlan Ferdi Taýfura, 2020-nji ýylda oglunyň böwregi transplantasiýa edilipdi.
Aýdym-sazlary bilen millionlarça adamyň köňüllerinde tagt guran sungat işgäri 9 gezek “Altyn plastinka” baýragyna laýyk görülipdi, 30-dan gowrak albom çykarypdy we 30-dan gowrak filmde oýnapdy.
Türkiyäniň prezidenti Rejep Taýýip Erdogan sosial media hasabyndan beren beýanatynda: "Sungat jemgyýetimiziň we türk aýdym-sazynyň iň möhüm we gymmatly şahsyýetlerinden biri bolan hormatly Ferdi Taýfuryň aradan çykmagy meni örän gynandyrdy. Ferdi Taýfura Alladan rehnet dileýärin, maşgalasyna, muşdaklaryna we sungat jemgyýetimize gynanç bildirýärin. Jaýy jennetden bolsun" diýip belledi.
Degişli Habarlar
Kruiz Gämileri Amasra Gelmäge Dowam Edýär
Amasra gelen kruiz gämisiniň 1015 ýolagçysy bilen 454 adamlyk ekipažy bar.
Müsüriň Gadymy Taryhyn Boyuňça Möhüm Açyş Edildi
Arheologlar Müsürde Şa Gatsepsutyň gadymy ybadathanasyny tapdylar
