Türkiyä gelen syýahatçylaryň sany 52,7 million adama ýetdi

Türkiyäniň Medeniýet we syýahatçylyk ministrligi tarapyndan berilen maglumata görä, 2023-nji ýylyň ýanwar-noýabr aýlary aralygynda Türkiyä 52 million 742 müň 526 syýahatçy geldi. 

Gelen syýahatçylaryň 46 million 725 müň 424-i daşary ýurtly, 6 million 17 müň 102-si bolsa daşary ýurtlarda ýaşaýan türk raýatlardan emele gelýär. 

Daşary ýurtly syýahatçylaryň sanynda geçen ýylyň şol döwri bilen deňeşdirilende 10,82 göterimlik artyş hasba alyndy. 

Türkiyä ýylyň ilkinji 11 aýynda iň köp syýahatçy ugradan ýurtlaryň sanawynda 2022-nji ýylyň şol döwri bilen deňeşdirilende Russiýa Federasiýasy 23,02 göterimlik  artyş we 6 million 83 müň 696 syýahatçy bilen 1-nji orny eýelän bolsa, Germaniýa 8,73 göterimlik artyş we 5 million 959 müň 843 syýahatçy bilen 2-nji orny, beýik Britaniýa bolsa 12,44 göterimlik artyş we 3 million 711 müň 802 syýahatçy bilen 3-nji orny eýeledi. 

Olardan soň bolsa Belgariýanyň we Eýranyň raýatlary gelýär. 

Türkiyä noýabr aýynda gelen daşary ýurtlaryň sany bolsa 2 million 525 müň 345 adam hökmünde hasaba alyndy. 

Noýabr aýynda iň syýahatçy ugradan ýurtlary sanawynda Russiýa Federasiýasy 1-nji, Germaniýa 2-nji, Bolgariýa 3-nji, Eýran 4-nji we Gruziýa 5-nji orny eýeledi.