Gadymy Efes Şäherine Gelen Syýahatçylaryň Sany Köpelýär

Izmir welaýatynda ýerleşýän gadymy Efes şäherine gelen syýahatçylaryň sany ýanwar aýynyň 1-i bilen iýul aýynyň 31-i aralygynda 91 göterim artdy.

Dünýäniň tanymal gadymy şäherlerinden biri bolan we BMG-nyň Bilim, ylym we medeniýet düzümi ÝUNESKO tarapyndan Dünýäniň medeni miras sanawyna alynan gadymy Efes şäherine täze görnüş koronawirus epidemiýasy sebäpli 2020-njy ýylyň 7 aýlyk döwründe 178 müň syýahatçy gelipdi.

Medeniýet we syýahatçylyk ministrliginiň görkezijilerine görä, üstümizdäki ýylyň 7 aýlyk döwründe şähere gelen syýahatçylaryň sany 91 göterim artdyp 340 müň adama ýetdi.

Gadymy Efes şäherine ABŞ-dan Ýewropa ýurtlaryndan gelýän syýahatçylaryň sany gün saýyn köpelýär.