Antalýa 3 günde 100 müň syýahatçy geldi
Syýahatçylyk pudagynyň ýaňadandan janlanmaga başlanmagy bilen Antalýa daşary ýurtlardan 3 günde 510 uçar bilen 100 müň ýolagçy geldi
Antalýa howa menziliniň Baş direktory Deniz Warol, esasan hem Russiýadan uçar saparlarynyň başlamagy bilen Antalýa howa menzilindäki ýygylygyň artandygyny belledi.
Russiýadan ilkinji etapda Antalýa 7 şäherden uçaryň gelendigini aýdan Warol, şu günki gün bolsa şol uçuş nokatlarynyň sanynyň 16-a ýetendigini mälim etdi.
Howa menziliniň diňe Russiýadan däl, eýsem dünýäniň 31 ýurdundan myhman kabul edýändigini aýdan Warol, hem ýolagçy sanynda hem-de uçar saparlarynyň sanynda artyşyň bardygyny belledi.
Şu günki uçuş monitorlarynda Russiýa, Germaniýa, Ukraina, Polşa, Britaniýa ýaly möhüm bzarlardan daşary Albaniýa, Makedoniýa we beýleki Balkan ýurtlarynyň biri-birinden tapawutly nokatlarydnan uçarlaryň bardygyny aýdan Warol, Antalýanyň howpsyz syýahatçylyk zolakdygyny subut edendigini aýan etdi.