TRT Dokumental film baýraklary eýelerine gowşuryldy

Stambulyň Jemal Reşit Reý konsert zalynda geçirilen dabarada, tapawutly kategoriýalardaky sylaglar eýelerine gowşuryldy.

“11-nji Halkara TRT Dokumental film günleriniň” “Milli Ussat kategoriýasynda” “Iň gowy film sylagyna” “Eýesiz myhmanhana” atly filmi bilen Rydwan Karaman, “Medeniýet we syýahatçylyk ministrliginiň sylagyna” “Stomatologyň gorkusy” filmi bilen Murat Erün, “Üçünjilik sylagyna” bolsa “Diş agyry” filmi bilen Özer Kesemen laýyk görüldi.

“Halkara kategoriýada” Alessandro Kassigoli we Keýsi Kaufman “Kebelek” atly dokumental filmi bilen “Iň gowy film kategoriýasyna”, Ýost Wandebrugyň “Brýus Li we talaňçy” dokumental filmi bilen “Medeniýet we syýahatçylyk ministrliginiň sylagyna”, Kris Martiniň “Soňky pursatda” we Luke Lorentzeniň “Gijäň ýary maşgalasy” dokumental filmi bilen “Üçünjilik sylagyna” laýyk görüldi.

“Milli talyp filmleri kategoriýasynda” bolsa “Uçan adam” dokumental filmi bilen Ugur Ersöz we Nusret Oguzhan Ýyldyza “Iň gowy film sylagy”, “Gülgüne şahsyýet” atly filmi bilen Tolunaý Tekmeke “Medeniýet we syýahatçylyk ministrliginiň sylagy”, “Bilýärsiňmi” atly dokumental filmi bilen Berriz Öze bolsa “Marmara Uniwersitediniň sylagy” berildi.

TRT tarapyndan 2009-njy ýylda başladylan “halkara TRT Dokumental günlerine” şu ýyl 101 ýurtdan 1 müň 397-si halkara kategoriýada bolmak bilen jemi 1 müň 605 film ýüz tutdy.

Festiwalyň çäginde 6 tapawutly kinoteatrda 80 dokumental film görkezildi.