Titanikde ýazylan hat auksionda satyldy
Dünýäniň bugda işlän iň uly ýolagçy gämisi bolan Titanikiň heläkçilige uçramazdan 1 gün ozal ýazylan hat Britaniýada geçirilen auksionda 166 müň dollara satyldy
833101
Amerikaly işewür adam Oskar Holwerson 1912-nji ýylyň 13-nji aprelinde aýaly bilen bilelikde Titanik gämisiniň ýolagçylarynyň biridi.
Holwerson gämi Atlantika okeanynda batmadan 1 gün ozal ejesine bir hat ýazypdy.
Işewür adam hatyny “Gadyrdan ejem” diýip başlapdy. Hatda Titanikiň ägirt uly we köşk ýaly myhmanhanadygyny aýdan Holwerson “Naharlaryň ajaýypdygyny” belläpdi. Oskar Holwerson: “Ähli zat ugruna bolsa çerşenbe güni Nýu-Ýorka bararys” diýip hatyny tamamlapdy.
Gäminiň batmagy netijesinde ýogalan Oskar Holwersonyň ýazan haty içerki jübüsinden çykypdy we maşgalasyna iberilipdi.