Türkiyäniň Özboluşly Önümleri

Türkiyäniň Egeý sebitindäki iň möhüm senagat şäheri bolan Denizli welaýatynyň Tawas etraby, tagamy we önümçilik usuly bilen ünsleri özüne çeken ýogurtlaryň görnüşleriniň birine ýer eýeçiligini edýär. 2024-nji ýylda Tawas etrabynyň häkimliginiň ýüz tutmagy netijesinde Türkiyäniň geografiki taýdan hasaba alynan önümleriň arasyna goşulan Tawas ýanyk ýogurdy Denizli welaýatynyň öri meýdanlarynda ýetişdirilýän goýunlaryň süýdünden öndürilýär we onuň özboluşly karamelizirlenen tagamy we ysy bar. Ýogurdyň önümçiliginde hiç hili goşundylar ýa-da tagamly iýmit maddalary ulanylmaýar. Ussatlyk talap edýän ýogurt önümçiliginde, 5 kilogram ýagly goýun süýdi uly mis gazanda 90 gradus oduň üstünde 30 minut gaýnadylýar. Şol tapgyrda süýdüň gazanyň düýbünde tutmagy bilen ýuwaşlyk bilen karamelizasiýasy üpjün edilýär. Gaýnaýan süýde takmynan 75 gram tebigy maýa goşulýar. Süýdüň ýogurda öwrülmegi we gaýmagynyň çykmagy üçin ergin takmynan 4 sagadyň dowamynda üsti biz mata bilen ýapylyp, garaşdyrylýar. Sowadyş işlerinden soň ýogurdyň temperaturasynyň 6 gradusa ýetmegi üçin sowadyja goýulýar. Doly ýagly görnüşde bazarlarda satylýan we krem reňkine eýe bolan Tawas ýanyk ýogurdy biz torbalara goýulyp, garaşdyrylanyndan soň süzme hökmünde hem sarp edilip bilinýär.