Ukraina Bilen Russiýa Ýesirlerini Çalyşmaga Dowam Edýär
Zelenskiý, ukrainaly 49 esger bilen asuda ilatyň boşadylandygyny aýtdy.
2187104
Ukrainanyň Prezidenti Wladimir Zelenskiý, Russiýa bilen gazanylan ýesir çalşygy ylalaşygynyň çäginde ukrainaly 49 esger bilen asuda ilatyň boşadylandygyny aýtdy.
Zelenskiý Telegramdan beren ýazmaça beýannamasynda, Russiýa bilen Ukrainanyň ýesirlerini çalşandygyny mälim etdi.
Ýesir çalşygynyň çäginde esger we asuda ilat bilen birlikde jemi 49 adamyň ýurduna dolanandygyny aýdan Zelenskiý, “Ýesirleriň we zamun alynanlaryň boşadylmagynda uly rol oýnan toparymyza sagbolsun aýdýaryn” diýdi.
Zelenskiý ukrainaly ähli ýesirleriň öýlerine dolanmalydygyny belledi.
Russiýa tarapyndan ýesir çalşygy barada heniz hiç hili beýannama berilmedi.
