Putin Käbir Önümleriň Eksportuna Çäklendirme Giriziljekdigini Aýtdy
Russiýanyň Prezidenti Wladimir Putin käbir önümleriň eksportuna çäklendirme giriziljekdigini beýan etdi.
Putin: “Uran, titan, nikel we beýleki önümleriň daşarky bazarlara üpjünçiligine belli çäklendirmeleriň girizilmegi seljerilmeli” diýdi.
Putin paýtagt Moskwada ýurduň ykdysady gatnaşyklary hakynda rus höklümet resmileri bilen geçirilen maslahatda çykyş etdi.
Russiýanyň günbatar ýurtlarynyň sanksiýalaryna garşy oba hojalyk önümleriniň eksportynda dürli çäklendirmeleri iş ýüzüne geçirmäge başlandygyny ýatladan Putin; “Birinji tapgyrda ol gynansagam içerki bazardaky nyrhlarda belli artyşa sebäp boldy, emma netijede rus oba hojalyk pudagynyň ösmegine goşant goşdy” diýdi.
Putin Russiýaynn senagatynda-da şuna meňzeş tapgyryň başdan geçirilendigini beýan edip; “Firmalarymyz senagat önümleriniň importynyň çäklenmegi bilen belli pudaklary ele aldy we käbir bazarymyza elýeterli harytlary üpjün edýän hyzmatdaşlarymyzdan hem has netijeli hereket etdiler” diýdi.
Russiýa garşy käbir harytlaryň üpjünçiliginde çäklendirmeleriň goýulandygyna ünsi çeken Putin; “Belki biz hem belli çäklendirmeleri goýmaly. Uran, titan, nikel we beýleki önümlerin daşark bazarlara berilmegine çäklendirmeleriň girizilmegini seljermegimiz zerur” diýdi.
Degişli Habarlar
TBMM-niň agzalary Ysraýyly protest etdiler
Käbir gatnaşyjylar zaldan çykan mahallary "Palestina Azatlyk" şygaryny aýtdylar
Ysraýyl Beýrudy bombalaýar
Ysraýyl şu gün irden Beýrudyň günortasyna garşy howa hüjümlerini başlatdy
