“Armiýa-2024” Başlady

Russiýanyň döwlet Ýolbaşçysy Wladimir Putin, ýurdunyň hyzmatdaşlary bilen deň hukukly we bitewi howpsuzlyk ulgamyny döretmäge we köp merkezli dünýä ulgamy gurmaga taýardyklaryny aýtdy.

Russiýanyň Kubina şäherinde Goranmak ministrligi tarapyndan Halkara harby tehniki forum “Armiýa-2024” başlady.

Forumyň çäginde harby we tehniki enjamlar sergilendi.

Sergä, rus harby goranyş senagaty pudagynda iş alyp barýan ýüzlerçe firma bilen Belarusdan, Eýrandan, Hindistandan we Hytaýdan gelen daşary ýurtly 120 firma gatnaşýar.

Forumyň açylyş dabarasyna wideo-ýüzlenme ugradan Russiýanyň döwlet Ýolbaşçysy Putin, forumyň ähmiýetine ünsi çekdi.

Putin: “Forum, dünýä ýurtlaryň hünärmenleriniň we köpçülikleýin habar beriş serişdeleriniň ünsüni özüne çekýär. Şol gyzyklanma we hyzmatdaşlyk gatnaşyklaryna uly ähmiýet berýäris. Biz şol gatnaşyklary ösdürmäge, deň hukukly we bitewi howpsuzlyk ulgamyny döretmäge we köp merkezli dünýä ulgamy gurmaga taýar”diýip belledi.

2015-nji ýyldan bäri geçirilýän Halkara harby tehniki forum “Armiýa 2024” 14-nji awgusta çenli dowam eder.