Russiýanyň Kursk sebitinde adatdan daşary ýagdaý yglan edildi

Ýurduň Ukraina serhediniň golaýynda ýerleşýän Kursk sebitiniň gubernatorynyň wekili Alekseý Smirnow, rus we ukrain harby güýçleriň arasynda başdan geçirilýän çaknyşyklar sebäpli sebitde adatdan daşary ýagdaýyň yglan edilendigini habar berdi. 

Alekseý Smirnow Telegram kanalyndan beren beýanatynda, Ukraina goşunynyň Kursk sebitine garşy birnäçe gün ozal başladan hüjümlerinden soň, häzirki ýagdaý barada maglumat berdi. 

Ýagdaýyň kyndygyny, emma gözegçilik astyndadygyny aýdan Alekseý Smirnow: "Duşmana degişli birikmeleriň Kursk sebitine girmeginiň netijelerini ortadan aýyrmak üçin sebitde 7-nji awgustdan başlap adatdan daşary ýagdaý yglan etmek barada karar kabul etdim" diýip habar berdi. 

Russiýanyň Saglygy goraýyş ministrligi bolsa Ukrainaly esgerleriň sebite guraýan hüjümlerinde ýaralananlaryň sanynyň 31 adama ýetendigini beýan etdi. 

Russiýa Federasiýasynyň prezidenti Wladimir Putin howpsuzlyk gullugynyň resmileri bilen Kursk sebitindäki ýagdaý bilen bagly maslahat geçiripdi, hökümetden asuda ilata zerur bolan goldawyň berilmegi üçin görkezmeler beripdi.