Ysraýyl Gazada soňky 24 sagatda ýene-de 3 aýry gyrgynçylyk amala aşyrdy
Ysraýylyň harby goşunynyň Gaza zolagyna garşy 2023-nji ýylyň 7-nji oktýabryndan bäri guraýan hüjümlerinde ýogalanlaryň sany 39 müň 653 adama, ýaralananlaryň sany bolsa 91 müň 535 adama ýetdi
Gazadaky Palestinanyň Saglygy goraýyş ministrliginden berlen beýannamada, Ysraýylyň 7-nji oktýabryndan bäri, ýagny 305 gün bäri Gaza zolagyna garşy guraýan hüjümleri hakynda maglumat berildi.
Beýannamada, Ysraýylyň harby goşunynyň soňky 24 sagatda Gazada amala aşyran 3 aýry gyrgynçylykly hüjüminde ýene-de 30 palestinalynyň ýogalandygy, 66 palestinalynyň hem ýaralanandygy nygtaldy.
Beýannamada, Ysraýylyň harby goşunynyň Gaza zolagyna garşy 2023-nji ýylyň 7-nji oktýabryndan bäri guraýan hüjümlerinde ýogalanlaryň sany 39 müň 653 adama, ýaralananlaryň sanynyň bolsa 91 müň 535 adama ýetendigi ýatladyldy.
Beýannamada mundan başgada ýumrulan binalaryň harabalyklarynyň arasynda we ýoluň gyralarynda ýogalan adamlaryň jesetleriniň bardygy, emma ysraýylly esgerleriň päsgel bermegi sebäpli şol jesetleriň ýygnalyp bilinmeýändigi aýan edildi.
Degişli Habarlar
Wýetnamda Tupan Sebäpli Ýogalanlaryň sany 233 Adama Ýetdi
Wýetnamyň demirgazygynda agyr ýitgä sebäp bolan ýagi tupany sebäpli ölenleriň sany 233 adama ýetdi.
