Russiýa bilen Ukrainanyň Arasynda Ýesir Çalşygy Edildi
Birleşen Arap Emirlikleri, öz töwellaçylygynda Russiýa bilen Ukrainanyň arasynda “urşuň başyndan bäri esasy ýesir çalşyklaryndan birinin” edilendigini habar berdi.
BAE-niň Daşary işler ministrliginden berilen beýannamada Russiýa bilen Ukrainanyň arasyndaky ýesir çalşygy boýunça gepleşiklere eden töwellaçylygynyň netije berendigi nygtaldy.
Beýannamada BAE-niň töwellaçylyk üstünliginiň Russiýa we Ukraina bilen güýçli gatnaşyklara esaslanýandygy bellenilip; “Urşuň başyndan bäri iki tarapyň arasynda esasy ýesir çalşyklaryndan biri edildi” diýilýär.
Ýesir çalşygynyň sany hakynda maglumat berilmedik beýannamada, Russiýanyň we Ukrainanyň hökümetleriniň BAE-niň töwellaçylyk tagallalarynda eden hyzmatdaşlygyna kanagatlanma bildirildi.
BAE-niň “Ukrainadaky çaknyşyga parahatçylykly çözgüt tapmagy maksat edinýän tagallalary dowam etdirmekdäki ygrarlylygyna” üns çekilen beýannamada, resmi Abu Dabiniň diplomatiýa, dialog we dartgynlygyň azaldylmagy boýunça çagyryşy bilen çykgynsyzlygyň netijelerini ýeňletjek ähli başlangyçlary goldaýandygy nygtaldy.
Degişli Habarlar
Doha forumy 2024 öz işine başlaýar
Doha forumy 7-nji dekabrynda Kataryň paýtagtyndaky Şeraton myhmanhanasynda öz işine başlar.
