ABŞ Gaza Ynsanperwer Kömeginiň Berilmegini Weto Etdi

BMG-niň Howpsuzlyk geňeşi ABŞ-nyň Nýu-Ýork şäherinde Ysraýyl bilen Hamasyň arasyndaky çaknyşyklar boýunça maslahat geçirdi.

ABŞ maslahatda Gaza Sektoryna ynsanperwer kömeginiň berilmegi üçin Ysraýyl bilen Hamasyň arasyndaky çaknyşyklara “ara kesme” boýunça çagyryş edilýän karar taslamasyny weto etdi.

Braziliýa tarapyndan taýýarlanan karar taslamasyna 12 agza goldaw berdi, Russiýa we Britaniýa ses bermekden saklandy.

Karar taslamasynda Hamasyň hüjümleri ýazgaryldy.

Karar taslamasynda asuda ilata edilýän ähli basyşlar we duşmançylyk bilen terror aksiýalary ýazgarylyp, ýesirleriň ählisiniň dessine we şertsiz boşadylmagy üçin çagyryş edildi.

Russiýanyň ynsanperwer ylalaşyk çagyryşy hakyndaky karar taslamasy duşenbe güni weto edilipdi.

Kassam brigadalary 7-nji oktýabrda Ysraýyla “Aksa Tupany” atly giňişleýin hüjüm başladandygyny yglan edipdi.

Gazadan Ysraýyla müňlerçe raketa atylan bolsa, ýaragly toparlar sebitdäki ilatly ýerlere giripdi.

Ysraýylyň goşuny bolsa harby uçarlar bilen Gaza Sektoryna “Demir Gylyçlar” operasiýasyny başladandygyny beýan edipdi.

Möwç alýan dartgynlykda iki tarapdan hem müňlerçe adam pida boldy.